Jơnau đơs pơn dŭt dơ̆ lơh broă, Tổng Ƀí thư, Củ tịc lơgar ồng Tô Lâm jờng rơ ală cồng nha geh mờr tơl bơh gùt Gah cri bơyai broă mờ lơgar ndai neh lơh geh bơh bồ tơngai lơh broă Pơrjum dờng dơ̆ XIII bơh Đảng dê tus tŭ do.

Đơs nền mờ gơnoar broă bal mờ bơta pràn tơnơ̆ 40 nam tam gơl pa Dà lơgar, tàm tơngai tus Tổng Ƀí thư, Củ tịc lơgar ồng Tô Lâm sồr, gùt Gah cri bơyai broă mờ lơgar ndai rơcang di tŭ gŏ bơta niam, bơta lòng, tơnguh broă pơgồp bal niam bơh gah cri bơyai broă mờ lơgar ndai dê tàm broă lơh jăt geh cồng nha ală jơnau kờñ jŏ jòng 100 nam tềng đăp mờ broă đơng lam bơh Đảng dê, 100 nam crơng gơs dà lơgar Việt Nam zân củ kộng hoà tŭ do là lơgar Kộng hoà Xã hội chủ nghĩa Việt Nam; pơn jăt tai tơnguh bơta rề ơnàng broă pơgồp bal bơh lơgar Việt Nam dê ai broă lơh kăc màng Dunia ai bơta ring lơngai lơh broă bal bơtàu tơnguh mờ bơta gơguh jăk bơh kòn bơnus dê.