Tổng Ƀí thư, Củ tịc lơgar ồng Tô Lâm jờng rơ bơta gơtha dờng ngan bơh dơ̆ lòt còp dê, tơnguh gơnoar broă lam lài tàm ală tiah nhàr lơgar đah 2 lơgar nàng kờñ lơh jat ngan ngồn jơnau git wă bal pa ngan rlau jơh đah Kwang đơng lam bồ kâp dờng 2 Đảng, 2 dà lơgar bè sơlơ tơnguh rlau tai bơta git gơp lơh broă bal jŏ jòng tơl làm, sồr lơh Mpồl bơtiàn tam pà tơnơ̆ do đah Việt Nam mờ Lo. Tổng Ƀí thư, Củ tịc lơgar ồng Tô Lâm đơs nền, Kwang đơng lam bồ kâp dờng ngan rlau jơh 2 Đảng, 2 dà lơgar sền dờng màng mờ lơh lài bơtàu tơnguh bơta git gơp đah Việt Nam mờ Lo, sùm lời ai bơta sền gròi uă tus bơtàu tơnguh bơta git gơp lơh bơyô, lơh broă bal geh kuơ bal đah ală tiah rềp nhàr 2 lơgar, tàm hơ̆ geh bơta git gơp đah Quảng Tây mờ ală tiah nhàr đah tô mat tơngai lik Việt Nam dê.