Tơnơ̆ tŭ lòt còp mờ pà phan, nting bơr gờm chờ sa tềp hìu bơnhă cau lơh broă kăc màng dờng sơnam ồng Nguyễn Trung Lựu tàm sơnah ƀòn Ba Hàng, ƀòn dờng Phổ Yên, Tổng Ƀí thư ồng Nguyễn Phú Trọng mờ Mpồl kwang bàng kâp dà lơgar lòt còp Hợp tak xã cê Hảo Đạt, xã Tân Cương, ƀòn dờng Thái Nguyên.

Đơs tàm dơ̆ lơh broă mờ Mpồl duh broă sùm Tỉñ ủy Thái Nguyên, Tổng Ƀí thư ồng Nguyễn Phú Trọng đơs nền, là càr geh ù tiah dờng màng ngan, là tiah bềng bơhiàn kờñ gơboh dà lơgar mờ kăc màng, tiah ơn prăp uă bơta kwơ niam chài mùl gŏ pơnrơ is ngan bơh làng bol ală jơi bơtiàn dê. Tổng Ƀí thư ồng Nguyễn Phú Trọng sồr, Đảng ƀộ càr Thái Nguyên pal gĭt wă di mờ jrô rlau bè broă gơlik geh mờ jơnau gơlik geh bal; gĭt nền loh làng bơta pràn, bơta ƀươn bơh tiah he dê nàng bơh hơ̆ geh jơnau kờñ, jơnau sồr, săc rwah kơnòl broă tờm mờ broă bơtàu tơnguh mhar nàng tơrgùm đơng lam, sồr lơh, lơh gơlik bơta tam gơl pa, pràn kơldang rlau tàm bơtàu tơnguh lơh sa- mpồl bơtiàn.