Dơ̆ lòt còp kâp dà lơgar bơh Củ tịc lơgar ồng Lương Cường dê tus lơgar Ai Cập geh gơtha dờng màng ngan, geh gơ rềng jŏ jòng tus bơta bơtàu tơnguh bơh bơta git gơp đah Việt Nam mờ Ai Cập. 

Geh bơyai lơh di tàm tŭ tơngai lơgar Việt Nam gam lơh ngan lơh gơs ală jơnau kờñ, kơnòl broă cribơyai mờ lơgar ndai mờ pơrjum dờng Đảng dơ̆ 13 ai tơlik, lam lơh uă bơta tam gơl pràn bè mpồl lơh broă, phan bơna drơng bơtàu tơnguh dà lơgar, wèt tus Pơrjum dờng dơ̆ XIV bơh Đảng Kộng sản Việt Nam dê; rơcang lài tơn jơh ală jơnau lơh nền “Bơtàu tơnguh bơta git gơp đah Việt Nam mờ ală lơgar Trung Đông – câu Phi tơngai bơh nam 2016 tus nam 2025” mờ ală jơnau lơh nền “Bơtàu tơnguh bơta git gơp lơgar Việt Nam mờ Mpồl tam klac câu Phi tơngai bơh nam 2021 tus nam 2025”. Tàm tơngai lòt còp, Củ tịc lơgar ồng Lương Cường rơp geh ală dơ̆ pơrjum bơyai kâp dờng mờ Kwang atbồ lơgar Ai Cập ồng Abdel Fattah Al Sisi; tìp mat cribơyai broă mờ Thủ tướng ồng Mostafa Madbouly, Củ tịc Thượng viện ồng Abdel Razek mờ Củ tịc Hạ viện ồng El-Gebaly, đơs bè broă lơh tàm Hìu lơh broă Liên đoàn Arab.