Đơs tàm dơ̆ lơh broă, Củ tịc lơgar ồng Lương Cường sồr ală Kwang atbồ anih ala măt lơgar Việt Nam sền gròi nền nòn, rơcang lài rơlao tai tàm broă mpồl bơtiàn bal mờ dong kờl làng bol, lơh ngan jơh pràn tàm broă dong kờl làng bol lơgar Việt Nam, tơnguh uă bơngă bơh mpồl bơtiàn lơgar he tàm ală lơgar kung bè pơgồp bal nền nòn mờ gơnoar atbồ tàm ală lơgar tàm broă dong kờl làng bol, dong kờl mpồl lơh sa kă bro lơgar Việt Nam.

Củ tịc lơgar đơs, Đảng mờ Dà lơgar sùm sền gròi mờ ai tơl bơta ƀuơn bè gùng dà broă lơh, di pal mờ ală bơta geh nàng drơng tàm broă lơh kung bè drơng gàr rài kis phan bơna, nùs nhơm bơh tơl nă kwang bàng, cau lơh broă; gàr niam broă dong kờl gơwèt mờ ală kwang bàng tàm anih lơh broă ala măt lơgar Việt Nam tàm lơgar bơdìh di pal mờ bơta pràn, bơngă bal mờ bơta geh bơh lơh sa dà lơgar dê tàm bơta pa.