Tơnơ̆ 2 ngai geh bơyai lơh Pơrjum dờng cau ala mat Đảng ƀộ Tập đoàn Lơh mờ măi mok – Năng lượng dà lơgar Việt Nam (Petrovietnam) dơ̆ IV, tơngai lơh broă bơh nam 2025 tus nam 2030 (ngai 02 mờ ngai 03/8/2025), pơrjum neh pồ Mpồl Lơh kơnòl broă sùm Đảng ủy Tập đoàn tơngai lơh broă bơh nam 2025 tus nam 2030 geh 12 nă cau geh jơng.

Ồng Lê Mạnh Hùng, Củ tịc Mpồl duh broă cau geh jơng Tập đoàn geh pin dờn pồ at gơnoar broă Ƀí thư Đảng ủy. Ồng Lê Ngọc Sơn mờ ồng Trần Quang Dũng geh pồ at gơnoar broă Phó Ƀí thư Đảng ủy. Mpồl duh broă Đảng ƀộ Tập đoàn neh pồ 6 nă kwang bàng tàm anih duh broă sền sơ wì Đảng ủy Tập đoàn tơngai lơh broă bơh nam 2025 tus nam 2030. Ồng Nguyễn Văn Mậu, Kwang geh jơng Mpồl Lơh kơnòl broă sùm Đảng ủy, cau geh jơng tàm Mpồl duh broă cau geh jơng geh pồ at gơnoar broă Kwang lam bồ Anih duh broă sền sơ wì Đảng ủy Tập đoàn. Đơs tàm pơrjum, ồng Lê Mạnh Hùng - Ƀí thư Đảng ủy, Củ tịc Mpồl duh broă cau geh jơng Tập đoàn pin dờn là, mờ nùs nhơm geh kơnòl, tam klac bal, ring bal, ală cau tàm Mpồl lơh kơnòl broă sùm mờ Anih duh broă sền sơ wì Đảng ủy Tập đoàn khoă pa rơp ngui niam nùs nhơm, mờng chài, gơnoar broă đơng lam tơl làm, pơgồp bơnah lam Petrovietnam bơtàu tơnguh kơ̆ kơljap jŏ jòng sùm tàm tơngai tus.