Đơs mut lơh cribơyai, Củ tịc Quôk hội ồng Trần Thanh Mẫn đơs niam broă Ƀộ Priă jền mờ ală anih lơh broă pơgồp bal bơyai lơh Cribơyai Lơh mờ ai lơh broă Anih tờm Priă jền ală lơgar – Jơnau pơlam ai Việt Nam in nàng kờñ chồl tơnguh lơh broă bal đah Việt Nam mờ Thụy Sĩ; đơs là, do là broă lơh geh kuơ ngan ngồn tàm dơ̆ lòt lơh broă bơh Mpồl kwang bàng kâp dờng lơgar Việt Nam dê tus Thuỵ Sĩ. Đơs sùm bơta pràn, bơta ƀuơn bơh 2 lơgar dê kung gam dờng ngan, Củ tịc Quôk hội sồr, Anih lơh broă ala mat lơgar Việt Nam tàm lơgar Thụy Sĩ mờ Mpồl cau ala mat lơh duh broă sùm lơgar Việt Nam bơdìh mờ Liên hợp quôk, Mpồl kă bro phan dunia mờ ală mpồl lơh broă ală lơgar ndai tàm Geneva rơp pơgồp bal jơh nùs rlau tai mờ ală anih lơh broă geh gơnoar bơh lơgar Thụy Sĩ, ală mpồl lơh broă ală lơgar dê tàm lơgar Thụy Sĩ nàng di tŭ tă bơsong ală bơta kal ke tàm broă lam lơh jat ală sră nggal, jơnau lơh broă bal neh kĭ đah 2 lơgar, lơh gơlik bơta ƀuơn nàng ngai sơlơ geh uă rlau tai ală cau bơcri priă lơgar Thụy Sĩ tàm Việt Nam.