Ala măt kwang đơng lam Đảng, Dà lơgar, Củ tịc Quốk hội ồng Trần Thanh Mẫn đơs niam mờ chờ gờm bè ală cồng nha kwơ màng sàh Thạnh Xuân neh lơh geh tàm 5 nam do; broă rơcang pơrjum dờng geh lơh nền nòn di jăt nùs nhơm jơnau sồr bơh Dà lơgar bal mờ bơh ƀòn dờng Cần Thơ dê mờ nùs nhơm pràn pa, pin dờn pa ai tơngai lơh broă pa.

Pơrjum dờng neh iăt jơnau yal jơnau lơh nền tàm pơrjum bơh Mpồl Lơh kơnòl broă sùm Thàñ ủy ƀòn dờng Cần Thơ dê bè broă sồr pồ geh Mpồl đơng lam Đảng, Mpồl lơh kơnòl broă sùm, Ƀí thư, Phó Ƀí thư Đảng ủy sàh Thạnh Xuân tơngai lơh broă bơh nam 2025 tus 2030. Jăt mờ hơ̆, Mpồl đơng lam Đảng ƀộ sàh geh 33 nă kwang bàng; Mpồl Lơh kơnòl broă sùm Đảng ủy sàh geh 11 nă kwang bàng. Ƀí thư Đảng ủy sàh Thạnh Xuân là mò Phạm Thị Thuỳ Dung.