Kơnòm bơsram jat mè bèp tus Dà Làc nàng lơh broă geh bơsram tàm tiah tàm gùl
Thứ sáu, 06:00, 08/08/2025
Cau mblàng: K'Duẩn/VOV
Cau mblàng: K'Duẩn/VOV
VOV.K'Ho- Nàng drơng niam jơnau kờñ kơnòm bơsram ală kâp lòt jat mè bèp là kwang bàng ntrờn lơh broă tus Dà Làc, Gah bơto bơsram càr Lâm Đồng neh bơt bơtàu broă rơndap lơh pờ tai 7 cơldŭ bơsram ai kơnòm bơsram ală ơdŭ kâp 2 in.
Neh geh mờr 1 rbô 300 nă kơnòm bơsram lòt jat mè bèp bơh ală càr Dăk Nông mờ Bình Thuận lài do lơh sră dan ntrờn hìu bơsram tus Dà Làc.
Jơh khà kơnòm bơsram do ndrờm geh ai bơsram tàm ală hìu bơsram tiah tàm gùl nàng ƀuơn tàm broă jun, rò bơh mè bèp dê in. Bơdìh mờ rơndap ai mut tàm ală hìu bơsram tŭ do, gah bơto bơsram kung neh sồr càr mhar lơh tai hìu bơsram kâp 1 mờ kâp 2 tàm sơnah ƀòn Xuân Hương – Dà Làc nàng drơng khà kơnòm bơsram gơguh uă.
Viết bình luận