Tŭ do jơh gùt càr Lâm Đồng geh tus 93 sàh, sơnah ƀòn ờ hềt geh kwang bàng mìng lơh dùl kơnòl broă bè măi mơk yal tơngĭt jơnau, 60 tiah ờ tơl kwang bàng tàm gah phan kwơ- tiah ơm kis, 33 sàh ờ tơl kwang bàng drơng broă bơt bơtàu, mờ uă tiah kung gam ờ tơl kwang bàng tàm ală gah kwơ màng bè sền gàr adat boh lam, kế toán, atbồ ù tiah... Bơta kơlôi rcang ngan là bàr pe tiah tus tơngai tŭ do kung gam ờ hềt pồ tơl kwang bàng ală gơnoar broă đơng lam tờm, gơrềng tơn tus broă lơh bơh mpồl kwang bàng sră pơ àr gơnoar atbồ ƀòn lơgar.

Jat ồng Hồ Văn Mười – Củ tịc Anih duh broă Làng bol càr Lâm Đồng, broă lơh ờ tơl mpồl lơh broă ờs mờng tàm kấp sàh neh gơ gơs broă jal mhar, dilah ờ bơsong di tŭ rơ̆p lơh geh bơta gơ kòl tàm atbồ Dà lơgar, lơh lơyài tŭ tơngai bơsong sră pơ àr gơnoar atbồ mờ gơmù uă bơta pin dờn bơh làng bol, mpồl lơh sa kă bro tàm mpồl lơh broă Dà lơgar dê.