Mpồl duh broă Làng bol càr Bình Định pơrjum lài mờ tŭ tơmŭt bal mờ Gia Lai
Thứ tư, 06:00, 25/06/2025 Cau mblàng K’Hạnh/VOV Tây Nguyên Cau mblàng K’Hạnh/VOV Tây Nguyên
VOV4.K’Ho- Drim òr (24/06), Mpồl duh broă Làng bol càr Bình Định sơnđờm mut pơrjum dơ̆ 25, rcang ai broă tơmŭt bal càr Bình Định mờ Gia Lai jat Jơnau lơh nền tàm pơrjum bơh Quôk hội dê.

Pơrjum geh bơyai lơh tàm 2 ngai, ngai 24 mờ 25 nhai 6 mờ ală tơngume tờm, bè: sền sơ wì bơta bơtàu tơnguh lơh sa- mpồl bơtiàn 6 nhai bồ nam; cribơyai mờ lơh nền ală sră yal, jơnau rcang cih Jơnau lơh nền tàm pơrjum bè tam gơl niam broă rơndăp lơh bơcri priă Dà lơgar tơngai di mơ tơngai bơh nam 2021-2025, broă dong kờl kơnòm bơsram, cau bơsram dờng sàh Nhơn Châu gam bơsram broă lơh tàm càr bal mờ uă tơngume kwơ màng ndai. Kờp bơh ngai 1/7, 2 càr Bình Định mờ Gia Lai rơ̆p tơmŭt bal gơ gơs càr Gia Lai pa, mờ kờp jơh 135 sàh, sơnah ƀòn.

Broă tơmŭt bal ờ mìng pờ geh ù tiah bơtàu tơnguh dờng ơnàng rlau tai mờ gam lơh geh ală tŭ tơngai niam kwơ màng nàng ƀòn lơgar in tam gơl pràn, gơguh lơh sa pràn kơl dang. Mơya, broă do kung ai tơlik uă bơta lòng pal tơrgùm bơsong, pơn đơl pràn lơh ngan lơh sir ală broă jàu, kơnòl broă bơtàu tơnguh lơh sa- mpồl bơtiàn nam 2025, mờ jơnau kờñ gơguh GRDP lơh ngan lơh geh rlau 8,5%.

Cau mblàng K’Hạnh/VOV Tây Nguyên

Viết bình luận

TIN CÙNG CHUYÊN MỤC