
Đơs mut pơrjum, Giáo sư – Tiến sìh ồng Nguyễn Xuân Thắng – Củ tịc Mpồl duh broă jơnau cribơyai tàm sră pơ àr dà lơgar, Duh broă sùm mpồl dềt sră nggal pơrjum dờng dơ̆ 14 đơs nền, Jơnau rơcang cih sră nggal pơrjum dờng dơ̆ 14 bơh Đảng dê ai tơnggŏ bơta tàm pơn jat tai mờ bơtàu tơnguh bơh ală pơrjum dờng lài, mờ kung ai tơnggŏ bơta tam gơl pa, bơceh lơh tàm bồ tơngoh kơlôi sơnơng mờ broă lơh.

Tă pơgồp jơnau đơs tàm jơnau rơcang cih sră nggal là tŭ niam nàng ală cau ala mat Quôk hội kơnòm să in tă pơgồp bồ tơngoh jak, nùs nhơm tàm bơta bơtàu tơnguh bơh dà lơgar dê. Ồng Nguyễn Xuân Thắng sồr: Uă ngan tơnggume pa geh ai tơlik, là pal gàr kơ̆ kơljap nàng bơtàu tơnguh mờ bơtàu tơnguh gàr bơta kơ̆ kơljap jŏ jòng sùm. Bơta tờm bơh tơngume do dê là lơh sa mpồl bơtiàn mờ sền gàr tiah ơm kis. Tiah ơm kis là tơngume pa. Hơ̆ sồng bơta kòn bơnus tam gơl pràn. Lài do, bol he sùm đơs tus kâp dờng màng. Mơya jat añ den kâp bơh chờm, ờ ndrờm mờ kơnòl broă, ờ bơh bơta ngan ngồn den bol he bơtàu tơnguh mờ broă lơi. Añ kung kờñ ală oh mi kơlôi sơnơng tai bơta do tàm bơta tam gơl pràn.
Viết bình luận