Tàm pơrjum, Thủ tướng ồng Phạm Minh Chính đơs sùm, dơ̆ broă lơh lơh sa mờ măi mok dơ̆ 4 geh bơyai lơh pràn kơl dang ngan, is ồn là broă ƀán zẫn, nùs nhơm geh kơnòl, điện toán đám mây, internet ală bơta... là gah gam bơtàu tơnguh mhar ngan, tă pơgồp ai bơta bơtàu tơnguh bal bơh tơl Dà lơgar dê, tàm hơ̆ geh lơgar Việt Nam.

Tàm lơgar, Thủ tướng pà gĭt gam lam lơh ală broă lơh, broă rơndăp lơh, tàm hơ̆ geh Jơnau lơh nền tàm pơrjum sồ 57 bơh Ƀộ Cíñ trị dê bè tam gơl pràn bơtàu tơnguh jak chài măi mok, tam gơl pa bơceh lơh mờ tam gơl sồ Dà lơgar, ală Jơnau lơh nền tàm pơrjum bơh Quôk hội, Cíñ phủ dê... nàng sơlơ tơnguh tai jak chài măi mok, tam gơl pa bơceh lơh, tam gơl sồ, sơlơ tơnguh kơlôi sơnơng, lơh gơlik, mòn lơh, bơto bơtê mpồl lơh broă, ai priă jền, bơtàu tơnguh phan bơna bơt bơtàu, lơh ală kơrnoat boh lam nàng sơlơ tơnguh tai bơtàu tơnguh. Thủ tướng sồr pal lơh geh bơta tam gơl pràn tàm gah lơh sa mờ  măi mok ƀán zẫn. Jơnau kờñ gơguh lơh sa nam do dê là bơh 8,3 tus 8,5% den gah lơh sa mờ măi mok ƀán zẫn Việt Nam pal gơguh lơh sa, geh bơta tề lam, lơh geh mpồl broă bơh gah broă dê.