Đơs tàm dơ̆ pơrjum, Thủ tướng ồng Phạm Minh Chính đơs nền, broă rơndăp lơh pal mùl màl jơh ală gùng dà broă lơh bơh Đảng tàm ală jơnau lơh nền tàm pơrjum, jơnau đơs pơn dŭt, jơnau sồr, jơnau sồr lơh bơh Dà lơgar, Ƀộ Cíñ trị, Mpồl duh broă Đảng Dà lơgar, Tổng Ƀí thư, pa do ngan là Jơnau lơh nền tàm pơrjum sồ 59 bơh Ƀộ Cíñ trị dê bè tơrgùm bal mờ ală lơgar tàm bơta pa; broă rơndăp lơh pal geh nùs nhơm lơh broă, nùs nhơm tam dră, nùs nhơm mùl màl mờ nùs nhơm geh cồng nha tàm mùl màl.

Thủ tướng ồng Phạm Minh Chính sồr lơh jăt nùs nhơm tam gơl pa pràn kơl dang tàm broă lơh broă bal mờ lơgar ndai, drơng bơta kwơ dà lơgar, jơi bơtiàn, bơta kwơ làng bol in, pơgồp bal tàm broă sền gàr bơta khăt gơboh krơi is, gơnoar tờm ù tiah, tơrgùm dùl ù tiah dà lơgar, bơtàu tơnguh dà lơgar, kơl jăp bơta tàm lơgar, bơta tàm làng bol, jơnau kờñ dŭt ndơl là làng bol ngai sơlơ hờm ram, gơboh gơbài.