Tam pà bal bơta muăt jrùm uă ngan tus mờ cau pròc mhàm bal ală hìu bơnhă geh cau chơ̆t, roh thĭt, Thủ tướng tam pà mờ ală bơta kal ke, roh rui bơh làng bol tiah gơtìp trồ tiah lơh aniai.

Thủ tướng sồr ală Ƀộ, gah broă pơgồp bal niam mờ gơnoar atbồ ƀòn lơgar nàng chồl pràn tŭ tơngai bơsong hoàc huơr, ờ gŏ di lời làng bol jơgloh, ờ tơl sơnơm tơm ba, ờ tơl dà sàng goh mờ kòp aniai gơlik geh tơnơ̆ dơ̆ dà kŏ dà cò. Ală tiah gùng lòt rê gơ tìp tơrlah pal gờñ bơsong, ntrờn làng tus tiah ơm lơngăp lơngai. Pal bơtàu tơnguh  wơl broă lơh sa. Ală tiah hìu bơsram gơtìp hoàc huơr kung pal mhar ngan lơh niam wơl nàng ai ală sau in rcang mut tàm nam bơsram pa. Ală hìu sơnơm, tiah sơm kòp ai làng bol in dilah gơrềng kung lòt sền mờ bơsong di tŭ.