Tàm pơrjum, Thủ tướng ồng Phạm Minh Chính neh tus bal mờ đơs tàm bàr pe dar cribơyai kuơmàng mờ là nac jà kuơmàng bơh Tìp mat tơm boh bơr broă lơh dà lơgar dê bè tơngume “Việt Nam – Rài brồ să: Broă rơndap lơh tus broă lơh”. Tus bal dar cribơyai mờ tơngume “Ngan làh ờ rài câu Á dê gam gơtìp bơta lòng?”, Thủ tướng ồng Phạm Minh Chính sồr 2 jơnau bơceh lơh: Crơng gơs mpồl tam gơl pa bơceh lơh câu Á, lơh pràn kơldang gơnoar broă tề lam bơh Anih Lơh sa dunia mờ lơgar Lo dê tàm tơrbŏ bal ală anih kơlôi sơnơng, hìu bơsram đại họk mờ mpồl lơh sa kă bro. Lơh anih yal tơnggit jơnau bơceh lơh câu Á – bơnàng jă dong kờl ală mpồl lơh sa kă bro dimơ mờ dềt, mpồl lơh sa kă bro sơn đờm mut lơh broă bơceh lơh. Thủ tướng ai lơh pin dờn mờ nùs nhơm tam klac bal, geh kơnòl, nùs nhơm pơnđơl pràn, lơh broă kràñ cê jơh nùs, câu Á rơp đal git lài bơt bơtàu tơnơ̆ do niam bơnĕ, cèng wơl ring lơngai, lơh broă bal mờ bơtàu tơnguh pas sơm.