Thủ tướng jờng rơ broă Tập đoàn Dunamu gam kơlôi sơnơng bơcri priă mờ bơtàu tơnguh tàm lơgar Việt Nam, kuơmàng là tàm gah phan bơna sồ, phan bơna geh màh khoă; mờ kung đơs niam bơta tă pơgồp bơh Tập đoàn Hana dê tàm bơtàu tơnguh lơh sa Việt Nam mờ gơnoar broă là lơgar lơh broă bal kuơmàng bơh MB dê. 

Hòi jà ală tập đoàn rề ơnàng bơcri priă tàm lơgar Việt Nam, Thủ tướng pà git, MB là anih priă jền geh bơngă pin dờn bơh lơgar Việt Nam dê mờ sồr MB bal mờ 2 tập đoàn lơh broă bal nền nòn, geh cồng nha, pơgồp bơnah chồl tơnguh bơta git gơp lơh broă bal jŏ jòng tơl làm đah Việt Nam mờ Hàn Quôk. Thủ tướng jàu Ƀộ Priă jền mờ gơnoar broă là mpồl lam lài bơt bơtàu jơnau lơh nền tàm pơrjum lơh tơrlòng lài drà kă bro phan bơna geh màh khoă tàm lơgar Việt Nam, pơn jat tai pơgồp bal mờ anih priă jền dà lơgar Việt Nam mờ ală Ƀộ, anih lơh broă, ală tiah geh gơ rềng dong kờl ală Tập đoàn tàm tŭ tơngai jòi git, kơlôi sơnơng bơcri priă tàm lơgar Việt Nam.