Tàm pơrjum, Tỉñ ủy càr Dăk Lăk neh yal jơnau lơh nền crơng gơs Anih duh broă sền sơ wì Tỉñ ủy càr bơh bơta tơrgùm dùl Anih duh broă sền sơ wì Tỉñ ủy càr Dăk Lăk mờ càr Phú Yên. Ồng Trần Trung Hiển, Kwang geh jơng tàm Mpồl lơh kơnòl broă sùm Tỉñ ủy càr geh sồr lơh Cau lam bồ Anih duh broă sền sơ wì Tỉñ ủy càr. Bè Mpồl lơh broă Đảng, Đảng ƀộ ală anih lơh broă Đảng càr, tơngai lơh broă bơh nam 2020 tus nam 2025 geh crơng gơs bơh mò Cao Thị Hòa An, Phó Ƀí thư Duh broă sùm Tỉñ ủy càr, Củ tịc Mpồl duh broă làng bol càr lơh Ƀí thư Đảng ủy. Ồng Tạ Anh Tuấn, Phó Ƀí thư Tỉñ ủy càr, Củ tịc Anih duh broă làng bol càr geh sồr lơh Ƀí thư Đảng ủy Anih duh broă làng bol càr, mò Đào Phạm Hoàng Quyên at gơnoar broă Mpồl sền sơ wì jơnau đơs. Đơs tàm pơrjum, Ƀí thư Tỉñ ủy càr ồng Nguyễn Đình Trung sồr ală kâp ủy, mpồl lơh broă đảng mờ anih lơh broă, mpồl lơh broă tơrgùm mblàng yal, ring bal jơnau git wă tàm mpồl kwang bàng, cau lơh broă sa priă nhai dà lơgar, cau lơh broă bè jơnau lơh nền tơrgùm dùl mpồl lơh broă sră pơ àr gơnoar atbồ, lơh gơlik nùs nhơm tàm pơrlòng, lơh ngan lơh gơs kơnòl broă cíñ trị tàm tŭ tơngai pa.