Tàm dơ̆ tìp mat geh 44 mpồl bal, cau dồ nă să geh jàu dờp, sền sơ wì jờng rơ “Cau ling khin cha jak chài mpồl ling phàu crong làng bol” 78 Gai lòng Quân kông, 735 gai lòng ciến kông, 59 gai lòng lơh broă, rlau 3 rơbô gai lòng sền gàr Dà lơgar, 3 gai lòng khin cha mờ gĭt jơ̆t rơbô dơ̆ mpồl cau, cau dồ nă să geh ală kấp pà sră jờng rơ.

Is ồn, di dơ̆ tơngkah kir sơnrai 80 nam Ngai bơhiàn ờs mờng, mpồl Kwang àng Làng bol geh pà khà jờng Gai lòng Sơrmañ rơmĭt dơ̆ 5. Do là broă lơh geh kwơ ngan, ram mhŭ nùs nhơm mờ bềng bơta pơn yờ să tŭ geh Tổng Ƀí thư ồng Tô Lâm tìp mat, pơndờm pơnđiang, 40 nă cau ling khin cha jak chài mờ cau pròc mhàm bal mờ Cau ling khin cha jak chài Mpồl ling phàu crong Làng bol, 57 nă cau ling tàm pơrlòng gùt lơgar mờ 246 nă cau krơh niam pơn rơ jak, là ală cau krơh niam pơn rơ jak tàm srơh tàm pơrlòng bơh mpồl kwang àng làng bol dê, ala ai gĭt nđờ rơbô nă kwang bàng, cau ling lơh broă tàm ală gah broă tàm jơh gùt kơnhoàl ù tiah Dà lơgar dê, chờ hờp geh rê yal mờ kwang đơng lam bồ Đảng, Dà lơgar mờ Ƀộ Kwang àng.