VOV4.K’ho- Kòn đời bèp, rài kis lơh sa hìu bơnhă kal ke ngan, mơya bi Trịnh Thiên Quân ơm tàm [òn Jok, xã Ea H’Đing, kơnhoàl Cư Mgar, càr Dăk Lăk neh mhar geh bơta gi\t wa\ jòi sa is. Tơnơ\ mờ tu\ lùp bè bơta chài ròng phan mờ drà kă bro, bi lơh nền bơcri priă ròng be lơh lơmă, lơh geh priă jền pah nam rlau 100 tơlak đong.

Pah drim guh bi\c, broă lơh bơh sơnrờp bơh bi Trịnh Thiên Quân dê ơm tàm [òn Jok, xã Ea H’Đing, kơnhoàl Cư Mgar, càr Dăk Lăk dê là ai be in sa bơh tu\ trồ pa ring àng. Phan sa do geh bi rcăng lài bơh mho ngai lài, mìng là nha chi keo, nha pơnăt, nha chi đềs….

Gi\t geh bơta krơi is mùl go\ bơh jơi be dê là kờ` ơm tềng dra jơnhoa, phan sa pal ra` rơsơh, den tàng bơdìh mờ broă lơh dra ai be in ơm, bi Quân gam lơh dra nàng ơn ală nha chi lơh phan sa be in. Bơdìh mờ ală bơta nha geh bi lòt pik cèng rê, den bi gam lời dùl bă ù tàm sươn nàng tam nhơ\t, blơi tai lơ\ kòi, lơ\ tơngời nàng kờ` rcăng lài phan sa ai be in. Tàm pah dơ\ [ùi mho, tơnơ\ mờ tu\ ai be in sa hờm, bi pơs wàs sàng goh ngan wàng ròng be; è be dê geh bi cho\ jơh mờ cèng ơn tềng tờm tiêu, kơphê in ho\ niam ngan. Bi Trịnh Thiên Quân yal, ròng be lơh lơmă là bơta sac rwah dipal, ờ go\ di là bòl glar kal ke ir mơya lơh geh priă jền uă ngan.

Bi Trịnh Thiên Quân, yal: Bơh sơnrờp a` ròng iar tơnơ\ hơ\ den kung lời te\ ờ ròng tai. Tàm bồ a` nisơna kơlôi tus jơnau ròng kơnrồ, cau ròng lơh lơmă kơnrồ gơtùi, den `chi gơlơh mờ ròng be ờ ròng lơh lơmă ih? Nam lài, oh den hơ\ sồng ròng, sền go\ gơtùi, den nam do oh bơcri ròng. Tu\ do, oh ròng neh chài gơ dê, oh gi\t geh be, ròng den sền go\ gơlơh gơ ru rlau, mờ ờ bòl rlau mờ lài uă ngan.

Bi Quân chờ hờp tài bơh be ròng mờr tơl ki\ kơn jơ\ nàng tăc

Jăt bi Quân yal, nàng ròng be krơ\ tàm wàng lơh geh cồng nha uă, bơdìh mờ gi\t wa\ bơta is rơmis bơh be dê den broă đòm jăt bơta jak chài là kuơmàng ngan, bơh broă lơh wàng ròng tus dì broă jăt sền, ătbồ be. Be geh bơta pràn sơndră mờ kòp niam ngan den tàng ờ huan gơtìp kòp; mìng kờ` lơh sàng goh wàng ròng, tơn hùc gơ in sơnơm jrơs jăt tơngai ờs mờng pah dơ\ mờ ci\t ală bơta sơnơm vaccine rcăng sơndră kòp. Wàng ròng pal ha pah, geh càl hềr, tơl bơta àng jroh măt tơngai dê mờ wàng ròng pal lơh jơnhoa, ra` rơsơh, sàng goh, mrềt niam tàm kàl duh mờ ba` ai càl in mu\t tàm kàl mrềt. Ba` lơh wàng jăt đah tô, [ươn gơtìp mrềt să ja` be dê.

Broă lơh bơh bi Trịnh Thiên Quân dê là ròng be lơh lơmă, ờ ròng be me. Hơ\ là blơi be kòn rê ròng dờng, ròng lơh lơmă hơ\ sồng tăc. Bơh dơ\ ròng 30 nơm be ròng tơrlòng lài bơh sơnrờp, tus tu\ do, bi neh tơnguh khà pah dơ\ gơguh tus bàr dơ\. Tu\ do, tàm wàng gam rlau 70 nơm be mờr tơl bơta kơn jơ\ nàng tăc. Bi Quân pà gi\t, kơnờm geh broă lơh bal mờ anih gơ sơ\t lơh puăc phan ròng tàm xã Ea Kiết, kơnhoàl Cư Mgar, càr Dăk Lăk dê, jơh ală be ndrờm geh kă bro niam jăt priă tac bro neh hơ lài.

Bi Quân yal tai: Priă lơh geh tàm nam pa do là mờr 700 tơlak. Jòi broă lơh broă sa bơh sơnrờp, oh ròng 30 nơm be lơm. Bơh hơ\ tus tu\ do, oh ròng di 2 nam. Dơ\ ròng bơh sơnrờp mìng geh 30 nơm lơm den tăc te\. Tu\ do, gam poh jơ\t nđờ nơm be. Tơnơ\ do geh ròng uă bơh 150 tus 200 nơm gơ jăt tàm jơnau kờ` ngui sa bơh drà kă bro dê. Tu\ do, priă tăc bro den niam rlau sơl.

Broă ròng be lơh lơmă bơh bi Trịnh Thiên Quân dê gơhòi gơ jà bơta sền gròi uă ngan bơh cau dê. Là cau gơ\p [òn bal bơh bi Quân dê, ồng Y Hiền Niê, cau Rơđê, sền go\ geh nùs nhơm tơryăng tơryồng, kong bòl glar kal ke bơh klau pơnu do dê bè do: Quân, khai là dùl nă klau pơnu pơnrơ, gi\t lam lài tàm broă lơh sa. Bulah sơnam gam dềt mơya broă lơh sa den là jak ngan. Bè ròng phan, Quân là dùl nă cau gi\t broă ròng phan mờ bơtàu tơnguh rài kis. {òn Jok bol a` geh dùl nă klau pơnu bè hơ\ là chờ hờp ngan. Kơ\p kờ` ơruh pơnu [òn Jok kung lùp bơsram, đòm jăt bè Quân dê nàng bơtàu tơnguh rài kis tàm [òn lơgar.

Bi A Choar, Phó Bí thư Đoàn xã Ea H’Đing, kơnhoàl Cư Mgar, càr Dăk Lăk pà gi\t, bi Trịnh Thiên Quân là klau pơnu jơh nùs ngan tus bal lơh ală broă lơh bơh Đoàn dê, mơkung geh bơta gi\t wa\ jòi sa is là uă ngan. Mpồl kuang bàng Đoàn tàm do kung sền gròi ngan sơl, hòi jà đoàn viên ơruh pơnu jòi broă lơh, ròng is să tờm. Jăt bi A Choar yal, broă sac rwah broă lơh ròng be lơh lơmă bơh bi Quân dê là broă lơh bơceh pa, ngac ngar, tơnggo\ bơta sơrbac mhar tàm bồ tơngoh kơlôi sơnơng bơh rơnàng kơnòm să dê.

Bi A Choar, đơs: Quân là dùl nă klau pơnu bơh xã Ea H’Đing dê, bi hơ\ neh lơh ngan tàm broă lơh bơtàu tơnguh lơh sa. Bi ròng be mờ pơlam ală ơruh pơnu tàm [òn in lơh ngan pơđơl pràn đòm jăt, ròng be nàng lơh geh priă jền ai hìu bơnhă in. Dùl nhai, bi lơh geh rlau 50 tơlak đong, bi là dùl nă klau pơnu lơh krơh lam lài nàng ai ơruh pơnu tàm xã Ea H’Đing he dê in lùp bơsram, đòm jăt.

Trịnh Thiên Quân ơm tàm [òn Jok, xã Ea H’Đing, kơnhoàl Cư Mgar, càr Dăk Lăk là dùl krơh àng bè nùs nhơm tơryăng tơryồng, bơceh pa tàm broă lơh, broă sa. Bi Quân dipal ngan là krơh àng nàng ơruh pơnu tàm ală [òn lơgar lùp bơsram, đòm jăt.

Cau cih A Sa Ly- Cau mblàng Lơ Mu K’Yến