VOV4.K’ho- Hìu bơnhă mò Nềm A Mùi – kòn cau Nùng (52 sơnam, ơm tàm sơnah [on 2, [òn dờng Bảo Lộc, càr Lâm Đồng) geh rlau 4 lồ 5 sào ù tam bơrlu\ bal uă bơta phan bè kơphê, sầu riêng, măng cụt. Broă tam uă phan pơgồp bal mờ ròng ka tàm tơnau ai hìu bơnhă mò in geh mờr 1 tơmàn priă pah nam

Lài do, hìu bơnhă mò Nềm A Mùi tam mìng tờm kơphê lơm, mơya tài sơn tìl neh kra, ờ niam den tơnhào sơlơ gơmù, cồng nha lơh sa cèng wơl ờ uă. Bơh nam 2012, mò koh jơh suơn kơphê, bơkiar ală sơn tìl pa ai tơn hào uă bè Thiện Trường mờ Trường Sơn; mơkung, tam bơrlu\ bal ală bơta tờm chi sa plai bè sầu riêng Thái Lan, măng cụt mờ bơ.

Mò Nềm A Mùi pà g^t: tơngai bơh sơn rờp, tu\ a` rơ wah ală tờm chi sa plai tam bơrlu\ val tàm suơn kơphê, uă cau ờ hềt pin dờn den tơngo\ bơta pin wil wơl broă lơh bơh a` dê. Tơngai pa do, uă cau tàm tiah do tă priă jền koh sang te\ tờm kơphê tam cề Olong mờ sồr a` lơh jat. Mơya a` kung lơh nền rơ wah broă lơh is bơh he dê nàng bơtàu tơnguh lơh sa.

Ka tàm tơnau bơh hìu bơnhă mò Mùi dê kơn jơ\ tus 15 ki\ tàm dùl nơm 

Tơnơ\ tu\ bơkiar lơh niam wơl ală sơntìl pa, tơnhào kơphê bơh hìu bơnhă mò Mùi dê bơh 3 tấn 5 tạ gơguh tus 5 tấn tàm 1 lồ 1 nam. Tu\ do kơphê bơh hìu bơnhă mò dê lơh geh rlau 20 tấn tàm dùl nam. Tơnơ\ mờr 7 nam tam bơr lu\ bal mờ kơphê, tờm sầu riêng bơkiar Thái Lan neh ai tơn hào mờr 10 tấn tàm dùl nam. Ală tờm sa plai ndai bè măng cụt, bơ kung neh ai tơnhào sơl.

 Nàng ală tờm chi sa plai lơh geh cồng nha uă, bơdìh mờ broă tam gơl rơ wah ală sơntìl pa, mò Mùi blơi tai è iar, è kơn rồ lơh phơng ơn tờm chi in. Kơnờm broă sơng ka sền gàr di mờ bơta chài, suơn kơphê mờ tờm chi sa plai bơh mò dê sùm ai tơnhào uă, plai dờng niam, bơkah. Tơngai jì nhơ\t, ơn phơng mờ tơnhào, mò sùm lơh jat niam, bơto pơlam cau lơh broă apah in lơh jat di mờ bơta chài. Kơnờm bơh hơ\, tơn hào ală chi tam ndrờm gơguh jat tơl nam.

Priă lơh geh kơ\ kơl jap, mò Nềm A Mùi neh bơcri priă tờ 5 nơm tơnau ròng ka, mờ ơnàng rlau 1 sào nàng tơnguh tai priă lơh geh. Mò rơ wah ròng uă sơntìl ka bè ka trắm cỏ, ka mè, ka chép, ka chềng mờ ka rô phi. Pah nam, hìu bơnhă mò ròng geh bơh 8 tus 10 tấn ka ală bơta, priă lơh geh g^t nđờ rơhiang tơlak.

 Nàng geh tơl cau lơh broă pah ngai, mò Mùi pal apah tai 4 nă cau lơh broă. Ai tàm kàl tơn hào, hìu bơnhă apah tai g^t nđờ jơ\t nă cau lơh broă. Mò kờp là mờ jơh ală khà priă lơh geh bơh broă tam phan, ròng phan, hìu bơnhă geh priă cồng pơgap 1 tơmàn pah nam. Kờp jơh khà priă geh bơh broă lơh dơm chi, pah nam hìu bơnhă tềm pềr geh pơgap 1 tơmàn 500 tơlak. “Đơs bal, kơnờm tam uă tờm chi mờ pơ gồp bal mờ broă ròng ka neh dong hìu bơnhă a` brồ guh lơh gơs. Bơh hơ\, geh tai tơl bơta nàng bơcri priă ai oh kòn in bơsram tus gùng tus dà”- mò Mùi đơs bè hơ\.

Jat ồng Nguyễn Xuân Hải - Chủ tịch Mpồl cau lơh broă sa sơnah [òn 2, [òn dờng Bảo Lộc đơs, là làng bol kòn cau mơya mò Nềm A Mùi ngac ngar tàm bồ tơngoh mờ sền g^t tu\ tơngai niam nàng lơh pas. Bơh bơta tryang tryồng, kong bol glar kal ke, khin cha kơlôi khin cha jơh jat là bơta tờm dong mò lơh geh cồng nha tàm broă lơh sa suơn srê. Ờ mìng lơh pas ai să tờm mờ hìu bơnhă in lơm gời, mò Nềm A Mùi gam lơh ngan tam pà bal broă lơh pas ai làng bol in; mơkung, dong kờl priă jền dong ală hìu bơnhă r[ah bơtàu tơnguh lơh sa pơgồp bơnah bơt bơtàu Mpồl kơ\ kơl jap; lơh ngan tus bal ală broă lơh nùs nhơm niam dong kờl kòn bơnus tàm [òn mờ bơdìh [òn… ông Nguyễn Xuân Hải đơs nền bè hơ\.

Cau mblàng K’ Hạnh