VOV4.K’ho- Tàm ală nam bơ\t bơtàu [òn lơgar pa, lơh sa Hợp tác xã tàm Dăk Lăk neh rơhời geh bơta tam gơl bè cồng nha, ngui niam geh gơnoar broă tàm rơndăp tăp sèng lơh sa, tề lam cau lơh broă sa tàm tiah do; gơ jat bal lơh gơlik phan mờ lơh gơs phan kă bro, lơh măt phan kă bro mờ jòi drà kă bro.

Broă lơh ngan bơh uă Hợp tác xã dê neh pơgồp bơnah dong kờl uă ngan tàm broă bơ\t bơtàu [òn lơgar pa, lơh tơnguh tai bơta pin dờn ai broă lơh lơh broă sa sươn sre geh cồng nha mờ kơ\ kơl jăp jo\ jòng. Jơnau cih “Nùs nhơm [òn lơgar pa dong ală Hợp tác xã tàm Dăk Lăk pin dờn rlau”, đơs bè broă lơh ngan sơrlèt gan kal ke brồ guh bơh ală Hợp tác xã bè hơ\ dê.

Uă ngan dơ\, tàm ală rơndeh lòt rê tàm gơl gùng Buôn Ma Thuột- Ea Kar, năc đìh rơndeh mờng quèng lòt gùng do sền go\ dùl nă cau klau săp đơs pràn kơldăng loh làng ngan, đơs sùm bè lơh broă sa sươn sre kloh mờ jà blơi ală phan bơna bè phe dum phồng, cê sơnơm, phan sa tơl pràn, bơh hợp tác xã ồng dê lơh gơlik. Cau geh jơnau kờ` den blơi bàr pe bơta phan, cau ờ geh jơnau kờ` den kung sền go\ gơlơh kờ` ngan cau lơh broă sa gam geh uă broă lơh ngan jòi drà kă bro ai phan bơna bơh hợp tác xã dê in sơl.

Cau lơh broă sa hơ\ là ồng Phan Đình Xuân, Kuang atbồ Hợp tác xã lơh broă sa sươn sre drơng broă ala Hợp Nhất, xã Ea Ô, kơnhoàl Ea Kar. Ồng Xuân yal bè gùng lòt bềng bơta bòl glar kal ke ngan bơh phan lơh bơh sươn sre niam ngan mờ Hợp tác xã gam kờ` lơh ngan:

Drà tăc bơh phan lơh geh bơh sươn sre niam ngan dê den là kal ke ngan, bol a` bòl glar ngan pal lòt jòi tàm ală dơ\ ràng tơlik drà, ală broă lơh hòi jà kă bro mờ ai oh mi in lòt tus ală càr nàng yal tơngi\t phan bơna. Bơh tu\ crơng gơs Hợp tác xã a` kung neh jun rlau 6 rbô dơ\ cau lòt còp, lùp bơsram nàng gơtùi lơh gơlik geh cồng nha jat gùng dà hữu cơ ờdo ờdă.

Bơh tu\ broă lơh [òn lơgar pa tàm càr Dăk Lăk geh lam lơh, lơh broă sa sươn sre niam ngan tàm càr geh sền dờng màng rlau mờ lài, bal mờ uă hợp tác xã tus lơh bal. Anih lơh broă lơi kung gi\t là, do là gùng lòt kuơmàng nàng Dăk Lăk đơs nền bơngă là tiah lơh broă sa sươn sre khà dùl bơh gùt lơgar dê, bơsong bơta tìs mìng lơh gơlik phan ờ hềt niam, ờ pràn bè bơta niam.

Kuơmàng là gơ wèt mờ kơphê, gah phan khà dùl bơh càr dê, kơphê bơkah pơnrơ bơh lơh gơlik gơs phan kă bro niam ngan, gam geh uă hợp tác xã mờ mpồl lơh sa kă bro sền gròi, bulah gi\t loh là gùng lòt do bòl glar ngan mờ uă ngan kal ke.

Ồng Trần Đình Trọng, Kuang atbồ Hợp tác xã ring bal Ea Tu, [òn dờng Buôn Ma Thuột pà gi\t, tus tơngai do, hợp tác xã neh bơ\t bơtàu geh bơnàng jă lơh gơlik kơphê niam ngan, bơh sươn chi tus lơh gơlik phan ờ hềt niam.

Phan bơna kơphê gar ờ hềt niam gam geh ală drà kă bro ring bal dunia blơi, bal mờ khà priă jơnhoa rlau bơh 7 rbô tus 10 rbô đong tàm dùl ki\ pơndrờm mờ phan bơna ờs mờng. Hợp tác xã gam bơcri priă uă ngan tàm broă lơh gơlik phan kă bro niam mờ broă lơh drà kă bro, nàng kờ` ai kơphê bơkah pơnrơ Buôn Ma Thuột dê tus mờ tê cau ngui sa in:

Lơh sa bơh hợp tác xã dê den neh kơ\ kơl jăp gơ dê. Mơya bơta kal ke tu\ do là lơh bè lơi nàng cau hùc kơphê in gi\t geh. Tài bơh hợp tác xã ờ gơtùi geh tơl priă jền tă is ai yal tơngi\t phan bơna in ờ. Mìng ală cau lơi neh geh tu\ hùc dà kơphê do den khi kah mờ tus dan blơi tai. Tơngai mờr tus, hợp tác xã geh tus bal tàm mpồl kơphê bơkah pơnrơ bơh càr dê crơng gơs, tơrgùm jơh wơl ală cau tu\ lơh kơphê niam ngan nàng cribơyai bal broă lơh drà kă bro.

Rơndăp tăp sèng lam lơh sa là dùl tàm 19 broă bơh broă lơh [òn lơgar pa dê, lơh nền tus broă [òn lơgar Việt Nam geh ngan ngồn pa halà ờ. Nàng lơh geh broă do, broă geh ală hợp tác xã geh cồng nha nàng tề lam cau lơh broă sa là dờng màng ngan rlau jơh.

Nàng lơh geh bơta tam gơl sơrbac mhar, càr Dăk Lăk neh geh ală broă lơh loh làng, tàm hơ\ geh broă dong kờl ală hợp tác xã bè cau lơh broă geh bồ tơngoh bơsram đại học nàng tơnguh jơnhoa pràn jak atbồ. Càr kung gam lơh tơrlòng lài dong kờl jơh ală bơta bàr pe hợp tác xã in, geh bal bè pràn jak atbồ kă bro mờ atbồ lơh sa kă bro; bè drà kă bro, bè priă jền mờ đòm jat ngui bơta jak chài măy mok…

Bơta kuơmàng là ală hợp tác xã do pal hơ pơrgon song dơ pă loh làng khà kờp, geh bơta hàm kờ` bơtàu tơnguh mờ tam gơl pa; tu\ lơi kung rcăng tam pà bal bơta pràn jak, mờng chài mờ ală jơnau bơsram ai geh bơh tu\ tơngai lơh tơrlòng lài bơh nam 2018- 2020 nàng lơh tam gơl ai tu\ tơngai rề ơnàng lơh uă in.

Bal mờ hơ\, ală kấp gah lơh broă geh gơrềng bal geh lơh bal uă ngan rlau jơh bal mờ ală hợp tác xã, kuơmàng là tàm broă tă bơsong ală kal ke bè drà kă bro. Ồng Vũ Đức Côn Phó Kuang atbồ Sở Nông nghiệp mờ Phát triển Nông thôn càr Dăk Lăk dê pà gi\t:

Tàm uă broă lơh, den bol a` geh broă lơh lòt bal mờ ală hợp tác xã neh bơtàu tơnguh drà kă bro tàm ală [òn dờng dờng. Pe nam do, bol a` neh tàm tơrbo\ bal gơtùi mờ ală [òn dờng Hồ Chí Minh, Đà Nẵng, Hà Nội, lơh broă mờ Chi cục Ờdo ờdă kloh niam phan sa ală [òn dờng do dê mờ yal tơngi\t ală hợp tác xã gam lơh jat ală broă lơh lơh gơlik phan kă bro mờ bol a` bơto pơlam, hơ pơrgon lơh geh bơta niam mờ ờdo ờdă kloh niam phan sa uă ngan.

Nàng bơh ală anih lơh broă ờdo ờdă kloh niam phan sa do, phan bơna lơh geh bơh ală hợp tác xã tàm Dăk Lăk dê geh yal tơngi\t mờ geh tăc tàm drà kă bro [ươn rlau.

{òn lơgar pa tàm Dăk Lăk gam mu\t rơhời tàm lồi tơngai dơ\ 2. Cau lơh broă sa, ală hợp tác xã gam tơngo\ loh gơnoar broă cau tờm bơh he dê, khin cha tàm jơh bal jơnau kơlôi, broă lơh mờ gam geh ală bơta tam gơl sơrbac mhar.

Gah lơh broă sa sươn sre, gah kă bro mờ lơh sa mờ măy mok mờ ală ban sơnah lơh broă, mpồl lơh broă chính trị, mpồl lơh broă mpồl bơtiàn tàm càr kung lòt bal jơh nùs ngan bal mờ làng bol, ală hợp tác xã mờ mpồl lơh sa kă bro gah lơh broă sa sươn sre nàng bơsong geh ală jơnau kal ke.

Nùs nhơm [òn lơgar pa hơ\, gam dong ală hợp tác xã tàm càr pin dờn bơtàu tơnguh, bè jơnau yal bơh ồng Phan Đình Xuân, Kuang atbồ Hợp tác xã Hợp Nhất dê.

Tu\ do, den ờ hềt jơh kal ke mơya bal mờ bơta lòt bal dong kờl bơh ală kấp, ală gah dê den bol a` pin dờn là, ală phan bơna bơh bol a` dê geh sơlơ ngai sơlơ niam rlau mờ ngan ngồn geh lơh cau ngui sa mờ drà kă bro in kờ`.

Bơta niam phan bơna ngai sơlơ niam rlau nàng lơh drà kă bro in kờ`, hơ\ là gùng dà bơh ală hợp tác xã tàm Dăk Lăk dê, kung là gùng dà bơh jơh bal gah lơh broă sa sươn sre tàm do dê. Hợp tác xã lòt lài, cau lơh broă sa geh tề lam lòt jat bal, gam rơhời lơh geh dùl broă lơh [òn lơgar pa rài pa tu\ do dê, lơh geh tai bơta gơn kơnờm nàng tơnguh broă lơh [òn lơgar pa tàm tiah do dê.

Cau mblàng Lơ Mu K’Yến