VOV4.K’ho- Càr Dăk Lăk pa bơyai lơh yu\ rơyùm ngan dơ\ yal Kơrnoat bơh Ủy ban Thường vụ Quốc hội dê bè broă crơng gơs [òn dờng Gia Nghĩa gơ wèt càr Dăk Nông. Bè hơ\ là tòm 16 nam crơng gơs pa càr Dăk Nông, Gia Nghĩa bơh dùl thị trấn dềt kal ke ngan bơh càr Dăk Lăk lài do dê, neh brồ guh pràn kơldang, gơ gơs là tiah drà pa, tiah tờm càr dềt tàm tiah kơh bơnơm kòn cau M’nông đah jum Tây Nguyên. 

Ală ngai do, Gia Nghĩa, càr Dăk Nông dê bềng lơm rùp să gơklo\ gơcrà ngan bơh bùng bi, bơkàu, biàng, sră cih jơnau chờ gờm wa\ rò sơnam pa Canh Tý 2020. Tàm bơta chờ hờp bồ sơnam pa, làng bol Dăk Nông sơlơ chờ rlau tai tài bơh do là càr du\t ndơl tàm gùt lơgar geh [òn dờng: tiah drà Gia Nghĩa, tiah tờm lơh sră nggal dà lơgar, lơh sa, niam chài bơh càr dê.

Ồng Phạm Công Chiến, Chủ tịch Ủy ban Nhân dân sơnah [òn Quảng Thành, [òn dờng Gia Nghĩa, gam kah sùm bè ờs ală ngai sơnrờp bè Gia Nghĩa, là dùl thị trấn dềt ngan bơh kơnhoàl Dăk Nông lài do dê. Nam 2004,  Dà lơgar geh kơrnoat crơng gơs càr Dăk Nông mờ rwah Gia Nghĩa lơh tiah tờm lơh sră nggal dà lơgar dê. Jơh ală bơta bơh phan bơna, broă lơh sa, mpồl bơtiàn…bơh Gia Nghĩa dê ndrờm kal ke ngan.

Bơh dùl kơnhoàl ù tiah kal ke r[ah ngan rlau jơh Tây Nguyên tàm tơngai tu\ hơ\, Dăk Nông neh lơh ngan pơđơl pràn brồ guh, lơh kơ\ kơl jăp mpồl kuang bàng lơh sră nggal dà lơgar, mơkung tơrgùm hòi jà ală bơta pràn drơng bơtàu tơnguh lơh sa- mpồl bơtiàn. Tòm 16 nam lơh ngan pơđơl pràn, Gia Nghĩa neh brồ guh să jan he dê dipal là [òn dờng tiah tờm càr Dăk Nông dê. Tàm cồng nha hơ\ geh bơta bơtàu tơnguh pràn kơldang ngan bơh Quảng Thành dê, là xã pa geh tơnguh gơ gơs sơnah [òn.

Ồng Phạm Công Chiến, pà gi\t: Geh bơta sền gròi bơh ală kấp dê neh bơcri priă lơh phan bơna ngan là lơh gùng lòt, ồs đèng, hìu sơnơm, hìu bơsram nàng bơtàu tơnguh tiah drà Gia Nghĩa, Quảng Thành bal mờ bơta tus lơh bal bơh jơh ală anih lơh broă chính trị dê, neh mblàng yal, hòi jà làng bol lơh jăt niam gùng dà broă lơh, jơnau sồr bơh Đảng dê, gi\t wa\ loh gơnoar broă crơng gơs sơnah [òn Quảng Thành. Hòi jà làng bol bơ\t bơtàu rài kis jak chài tiah drà, tus bal bơ\t bơtàu tiah drà ngai sơlơ jak chài, pa ngan, niam ngan, lơh geh jơh 19 broă [òn lơgar pa tàm nam lài nàng crơng gơs sơnah [òn Quảng Thành.

Bơta tam gơl să jan bơh [òn dờng Gia Nghĩa dê geh cih dờp bơh ală khà kờp niam ngan: Khà gơguh lơh sa kờp bal pah nam geh mờr 18%; priă lơh geh kờp bal dùl nă cau nam 2019 geh rlau 62 tơlak đong, uă rlau 6 dơ\ pơndrờm mờ nam 2005; kờp jơh tă dia dà lơgar in geh mờr 1 rbô tơmàn đong, gơguh 35 dơ\ pơndrờm mờ nam sơnrờp pa crơng gơs càr. 

Ồng Nguyễn Đức Nguyên, Bí thư Thành ủy [òn dờng Gia Nghĩa pà gi\t, bal mờ bơta lơh ngan lơh niam wơl sră nggal dà lơgar, [òn dờng geh sơlơ hòi jà tă pơgồp ală bơnah priă jền ai bơcri bơtàu tơnguh in. Gia Nghĩa pơn jăt tai lơh mhar broă lơh gơs bàr pe rơndăp broă lơh dờng, ngui geh cồng nha ală bơnah priă bơcri nàng lơh geh bơta gơchồl bơtàu tơnguh lơh sa- mpồl bơtiàn.

Ồng Nguyễn Đức Nguyên, đơs: Guh gơ gơs [òn dờng ờ go\ di là jơnau kờ` du\t ndơl bơh Đảng bộ, gơnoar ătbồ Gia Nghĩa dê ờ, mờ bol a` pơn jăt tai bơcri priă lơh phan bơna, bơtàu tơnguh uă rài kis làng bol tàmdo dê, ngan tài bè hơ\ den tàng nam 2020 mờ tơngai pơn jăt tai, bol a` kơ\p kờ`, Tỉnh ủy, UBND càr pal geh gùng dà broă lơh krơi is mờ tơrgùm dong kờl priă jền bè phan bơna kung bè nùs nhơm nàng bơcri lơh phan bơna, mờ pơn jăt tai lơh bơka niam wơl tiah drà tàm tơngai tus.

Gia Nghĩa bồ sơnam kàl pran pa do gơlơh chờ hờp rlau. Rùp să bồ sơnam pa kàl prang neh bềng lìu tàm kơnhoàl ù tiah đah jum Tây Nguyên. {òn dờng pa crơng gơs gam kơ\ kơl jăp cơnđoà jơng lòt guh mờ bềng bơta gơn kơnờm.

Cau cih Hoàng Qui- Cau mblàng Lơ Mu K’Yến