VOV4.K’ho- Đơn Dương, bơh lài là dùl kơnhoàl kal ke bơh càr Lâm Đồng dê. Mơya, tàm tu\ lơh jăt broă lơh bơ\t bơtàu [òn lơgar pa, bal mờ bơta lơh bal bơh “3 Mpồl” đơng lam mờ bơtàu tơnguh [òn lơgar pa kơnhoàl Đơn Dương neh pơgồp bơnah lơh tam gơl rơndăp tăp sèng lơh sa mờ bơtàu tơnguh rài kis priă lơh geh bơh làng bol tàm tiah do dê, lơh gơlik bơta dùl nùs bal tàm broă lơh jăt broă lơh do. Kơnhoàl kung geh broă rơndăp lơh bal mờ pang rùp uă rùp să tàm 5 nam tus.

Sền bơtàu tơnguh lơh sa là dùl kơnòl broă tờm tàm tơngai bơh nam 2016- 2020, Huyện ủy, UBND kơnhoàl Đơn Dương neh di tu\ ai tơlik ală sră nggal gùng dà broă lơh nàng lam lơh jăt, lơh gơlik bơta dùl nùs bal tàm jơh gùt mpồl bơtiàn. Jăt tàm sră nggal ai tơlik bơh Huyện ủy, UBND kơnhoàl Đơn Dương dê tàm tơl tu\ tơngai lơh jăt broă lơh [òn lơgar pa, Mpồl đơng lam tàm kấp kơnhoàl, Mpồl đơng lam tàm tơl xã, mờ Mpồl bơtàu tơnguh tàm tơl thôn kung geh crơng gơs sơl, jàu kơnòl loh làng ai tơl nă cau tàm mpồl in.

Mìng is, Cơldu\ lơh broă Đơng pơlam {òn lơgar pa kơnhoàl Đơn Dương dê kung neh geh crơng gơs bal mờ 14 nă cau, Phó Chủ tịch Ủy ban Nhân dân lơh kơnòl broă lơh sa lơh Kuang ătbồ Cơldu\ lơh broă sră nggal, anih lơh broă sùm là Phòng Nông nghiệp mờ Phát triển Nông thôn kơnhoàl dê. Pah nam, Cơldu\ lơh broă Đơng pơlam {òn lơgar pa kơnhoàl Đơn Dương ndrờm bơyai lơh lòt sền, sền swì, pơlam ală xã lơh jăt wil tơl broă; bơ\t bơtàu broă rơndăp lơh tam pà priă jền kes priă dà lơgar mờ ală bơnah priă hòi jà tă pơgồp ndai.

Kuơmàng, broă pơrjum tàm jàu broă lơh bơ\t bơtàu [òn lơgar pa geh lơh sùm jăt pah nhai đah Mpồl đơng lam bơh tơl xã mờ Mpồl bơtàu tơnguh bơh tơl thôn dê tàm kơnhoàl. Bơh do, yal cồng nha lơh jăt mờ dan gùng dà tă bơsong kal ke, kòl yan gam gơkòl pa gơlik geh mờ Mpồl đơng lam kơnhoàl Đơn Dương in nàng tơrgùm kờp jơh sền wơl, tơn jơh, sền swì jơnau bơsram mờng chài pah quý, pah nhai mờ pah nam, tơlik ală gùng dà broă lơh geh cồng nha rlau ai tu\ tơngai pơn jăt tai in.

Kờp bal tơngai bơh nam 2016- 2019, Mpồl đơng lam mờ Cơldu\ lơh broă Đơng pơlam [òn lơgar pa kơnhoàl Đơn Dương neh pơgồp bal mờ Mpồl đơng lam bơh Dà lơgar mờ bơh càr Lâm Đồng dê pờ 11 ơdu\ bơto pơlam ai 650 nă kuang bàng kơnhoàl, xã, thôn lơh broă lơh bơ\t bơtàu [òn lơgar pa in.

Mờ bơh mpồl kuang bàng do, “3 Mpồl” đơng lam mờ bơtàu tơnguh [òn lơgar pa bơh kấp kơnhoàl tus 8 xã mờ 78 thôn neh bơtòm tơrgùm jàu kơnòl pơgồp bal mờ ală mpồl lơh broă chính trị kơnă hơđơm bơyai lơh ală broă lơh mblàng yal li la, uă ngan tus làng bol [òn lơgar ơm kis, ai ală srơh bơ\t bơtàu [òn lơgar pa bơtàu tơnguh jrô ơnàng làm uă, geh kuơ mờ geh cồng nha, bè: “Chài lam sồr làng bol”, “Broă lơh 5 ờ, 3 kloh”, “Jơh gùt làng bol tus bal Broă lơh rcăng sơndră mờ cau lơh tìs, dri tơlàr, ma túy”, “Jơh gùt làng bol sền gàr lơngăp lơngai Dà lơgar”, “Jơh gùt làng bol tam klăc bơ\t bơtàu [òn lơgar pa, tiah drà jak chài”…

Cồng nha hòi jà bơh “3 Mpồl” đơng lam mờ bơtàu tơnguh [òn lơgar pa kơnhoàl Đơn Dương dê tơngai bơh nam 2016- 2019 neh hòi jà tă pơgồp kờp jơh priă jền geh mờr 11 rbô 815 tơmàn đong. Tàm hơ\, tă pơgồp bơh mpồl lơh sa kă bro, hợp tác xã, mờ làng bol dê gơguh tus rlau 44 tơmàn đong; gam wơl là bơnah priă dà lơgar dê, priă càn bơh broă lơh lơh sa, kă bro bơh mpồl lơh sa kă bro, hợp tác xã mờ cau lơh broă sa dê…

Tus bồ nam 2020, jơh gùt kơnhoàl Đơn Dương geh jơh 8 xã geh 19 broă [òn lơgar pa. Digơlan tus lồi nam 2020 do, geh 4 xã geh tơl khà [òn lơgar pa tơnguh uă, tàm hơ\ geh: Lạc Lâm, Quảng Lập, Ka Đô, Lạc Xuân, tàm hơ\ 3 xã: Lạc Lâm, Quảng Lập mờ Ka Đô geh tơl khà [òn lơgar pa lam lài bè lơh broă sa sươn sre ngui công nghệ cao jăt gùng dà ngac ngar.

Tơngai 5 nam tus, bơh nam 2021- 2025, kơnhoàl Đơn Dương geh jơnau kờ` hòi jà tă pơgồp geh mờr  7 rbô 600 tơmàn đong priă bơ\t bơtàu [òn lơgar pa. Tàm hơ\, khà ală bơnah priă rơndăp tăp sèng, tàm hơ\ geh: rlau 50,6% priă càn; 29% priă kes priă dà lơgar; 20,4% priă mpồl lơh sa kă bro, hợp tác xã mờ làng bol tă pơgồp.        

Pang rùp pa bơh kơnhoàl Đơn Dương dê geh wa\c sềr tus nam 2025 lơh geh tơl khà [òn lơgar pa lam lài bè lơh broă sa sươn sre ngui công nghệ cao jăt gùng dà ngac ngar; 100% khà xã geh dờp tơl khà [òn lơgar pa tơnguh uă; 95% bă ù lơh sa 3 phan bơna, hơ\ là: biăp, bơkàu, kơnrồ dà toh lơh tờm; êt ngan rlau jơh geh 3 tiah lơh broă sa sươn sre ngui công nghệ cao; 10 broă lơh lơh broă sa sươn sre ngac ngar; priă lơh geh bơh ù lơh sa sươn sre geh bơh 240 tơlak tus 250 tơlak đong dùl lồ…

Nàng lơh gơs pang rùp bềng rùp să tàm nam 2025 pa yal, “3 Mpồl” đơng lam mờ bơtàu tơnguh [òn lơgar pa kơnhoàl Đơn Dương mờ jơh ală 8 xã, 78 thôn gơ wèt bal ai jơnau bơsram mờ pơn jăt tai đòm jăt ală mờng chài lơh geh cồng nha tàm tơngai bơh nam 2016- 2019, là: “Tơl làm, dùl ròt bal đah bơ\t bơtàu rondăp ù tiah gơ jăt bal mờ mblàng yal, hòi jà, lam lơh srơh tàm pơrlòng. Tàm hơ\, hòi jà làng bol lơh pràn lơh sa, tơnguh uă priă lơh geh là jơnau lài ngan lơh nền ai broă lơh geh cồng nha bơ\t bơtàu [òn lơgar pa tàm kơnhoàl”.           

Jăt Báo Lâm Đồng- Cau mblàng Lơ Mu K’Yến