VOV4.K’ho- Bơh dùl xã r[ah tiah kòn cau tu\ mìng geh 3 broă [òn lơgar pa, xã Glar, kơnhoàl Đak Đoa, càr Gia Lai neh tam gơl uă ngan, lơh jăt geh cồng nha broă lơh do. Xã Glar neh chờ hờp geh Thủ tướng Chính phủ pà Sră jờng rơ bè cồng nha lơh geh jak ngan tàm 10 nam bơ\t bơtàu [òn lơgar pa.

Tơngai sòl àng gơcrà niam ngan tàm gùng lă cài lam lòt tus [òn Dơk Rơng, xã Glar. Kềng 2 gah gùng, tềng đăp tơl nơm hìu niam bơne\ ngan là dùl nơm [làng hìu ơnàng ngan ìs bềng lơm kơphê. Ồng Wut, Kuang ătbồ Mpồl lơh broă mặt trận thôn Dơk Rơng dê pà gi\t, jơh ală gùng lòt tàm do ndrờm neh geh lă cài lơm halà lơh mờ bê tông lơm. Dà lơgar mìng dong kờl dùl bơnah, khà gam wơl là bơh làng bol tă pơgồp mờ ngui 800 tơlak đong bơh broă lơh tam kơphê lơh geh kes priă.

Broă tam kơphê lơh geh kes priă tàm [òn Dơk Rơng

Ồng Wut pơ`ìơ să ngan đơs bè do, Dơk Rơng là [òn bơh sơnrờp tàm xã Glar lơh jăt broă lơh tam kơphê lơh geh kes priă nam 2008 tàm bă ù ơnàng mờr 2 lồ. Jăt mờ hơ\, thôn tam pà gơs 10 mpồl, tơl mpồl geh 15 hìu bơnhă lơh kơnòl broă sơngka sền gàr 160 tờm kơphê. Priă lơh geh bơh kơphê den ngui nàng lơh geh kes priă bal [òn dê, pah nam geh pơgăp bơh 200 tơlak tus 250 tơlak đong. Bơh kes priă do geh ngui nàng dong ală hìu bơnhă kal ke, dơ\ ngui tàm ală broă lơh bal bơh [òn dê, kuơmàng là tàm broă bơ\t bơtàu [òn lơgar pa.

Ồng Wut chờ hờp đơs bè do: Tơngai hơ\ priă dà lơgar dê bơcri ờ tơl nàng lơh gùng [òn den tàng bol he cribơyai mờ jơh ală hìu bơnhă ndrờm dùl nùs bal lơm hơ tă pơgồp jăt tàm bơta tơl pràn bơh he dê. Hìu geh den tă pơgồp uă rlau, hìu kal ke den tă pơgồp dùl êt rlau mờ ală hìu bơnhă r[ah kal ke den tă pơgồp 200 rbô đong halà mìng tă pơgồp ngai lơh gùng lơm. Dơ\ bàr den bol a` geh priă bơh sươn kơphê bal bơh [òn dê, crơng gơs 10 mpồl, pah nam geh mpồl lơh geh 20, 25 tơlak đong, geh mpồl lơh geh 18, 19 tơlak đong mờ geh mpồl lơh geh 15 tơlak đong, ai priă jền do nàng bơcri lơh gùng. Mờ uă hìu bơnhă jơh nùs ngan pà ù nàng geh gùng lòt ơnàng rlau. Bơh hơ\ gùng [òn geh lơh jơh mờ bê tông lơm, làng bol lòt rê, pơndiang phan lơh geh bơh sươn sre [ươn, cau lơi kung ndrờm chờ hờp chờ hờ` lơm.

Gùng [òn- “drà tiah drà” Dơk Rơng, Glar

Bơh broă lơh geh cồng nha bơh [òn Dơk Rơng dê, dùl ròt ală [òn ndai tàm Glar kung tus lùp bơsram bơta mờng quèng bơ\t bơtàu broă lơh tam kơphê lơh geh kes priă. Bè [òn Dôr 1, pah nam lơh geh priă pơgăp 100 tơlak đong; [òn Dôr 2 lơh geh 150 tơlak đong tàm dùl nam; [òn Tươi Ktu mờ bă ù ơnàng 3 lồ kơphê pah nam lơh geh kes priă rlau 300 tơlak đong… Broă lơh do neh lơh geh priă jền dờng nàng nàng jơh 10 [òn bơh cau Bahnar dê tàm xã Glar bơ\t bơtàu bal [òn lơgar pa bơtàu tơnguh uă ngan. Ồng Y Suôn, Chủ tịch Ủy ban Mặt trận dà lơgar Việt Nam xã Glar, pà gi\t: Tàm 10 nam tàm pơrlòng tơrgùm bal pràn bơ\t bơtàu [òn lơgar pa, kờp jơh priă tă lơh phan bơna tàm Glar là mờr 110 tơmàn đong den tàm hơ\ làng bol dê tă pơgồp rlau 2/3, ndrờm mờ khà priă rlau 75 tơmàn đong.

Ồng Y Suôn, đơs bè do: Tu\ do, ală thôn, [òn ndrờm geh dờp là [òn niam chài, den xã geh Dà lơgar, càr, kơnhoàl dờp Glar là xã [òn lơgar pa. Nàng lơh geh jơnau kờ` do den lài ngan là bơta lơh bal bơh kấp ủy, gơnoar ătbồ, mpồl cau tàm xã dê tơrgùm mblàng yal, đơng lam, lam lơh jăt niam, mờ dùl ròt bal tàm ală thôn, [òn. Dơ\ 2 là kơnờm bơta dùl nùs dùl tồr bal, tă pơgồp bal, kờ` bal bơh làng bol dê tàm broă lơh ală gùng lòt mờ bê tông tàm thôn, [òn. Uă hìu bơnhă bal mờ tă pơgồp priă jền, ngai lơh broă den khi gam geh nùs nhơm niam ngan pà ù tai. Kơnờm bơta tam klăc bal dùl nùs, ờ go\ kơldìng wơl tàm broă dong kờl, dùl nùs bal mờ dà lơgar den tàng gùng lòt, hìu pơrjum [òn….geh lơh dờng mờ niam ngan, sàng goh ngan.

Dòr nhơ\t phồng Glar- tiah nhơl chờ pa tàm Gia Lai mờ Tây Nguyên

Lơh jăt geh cồng nha broă lơh [òn lơgar gơtùi sền là broă tam gơl crih crài ngan bơh xã Glar dê, tu\ nam 2011 xã rơ\p pa lơh geh 3 broă [òn lơgar pa. Tu\ do, khà hìu bơnhă r[ah tàm xã mìng gam hơđơm 5% lơm, bàr pe khà kah niam mờ tiah do mìng là làng bol kòn cau lơm.

Pa do, xã Glar neh chờ hờp geh Thủ tướng Chính phủ pà sră jờng rơ tài bơh cồng nha lơh geh jak ngan tàm 10 nam bơ\t bơtàu [òn lơgar pa. Mò Giang H’Huom, Phó Chủ tịch UBND xã Glar, kơnhoàl Đăk Đoa, yal bè mờng chài lơh geh cồng nha bơh xã dê là jơh ală broă ndrờm pal jăt tàm bơta kơ\p kờ` dipal bơh làng bol dê, ngui niam ngan rlau jơh gơnoar broă bơh [òn lơgar dê, lơh jăt niam ngan bơta pal jăt “làng bol gi\t, làng bol cribơyai, làng bol lơh, làng bol sền mờ làng bol geh dờp ngui”.

Sơnđờm mu\t lơh Ngai chờ nhơ\t phồng Đak Đoa nam 2019 tàm dòr prơng nho Glar

Mò Giang H’Huom, đơs bè do: Xã Glar bol a` chờ hờp ngan geh Thủ tướng Chính phủ pà Sră jờng rơ. Do là cồng nha bơh bơta lơh ngan ờ gi\t glar bòl bơh kấp ủy, gơnoar ătbồ, mpồl cau mờ làng bol xã Glar dê tàm broă lơh jăt Broă lơh Dà lơgar bè Bơ\t bơtàu [òn lơgar pa. Tus tu\ do, xã neh lơh gơs 19 broă. Mờ bol a` geh lơh ngan uă rlau tai nàng lơh bè lơi ờ go\ di mìng gàr geh 19 broă lơm mờ gam lơh jăt niam rlau tai pơndrờm mờ nam lài.

Ơm tàm anih ngài mờ tiah tờm kơnhoàl Đak Đoa, gùng rơndeh 19, rlau 10 kơi sồ, mờ ù tiah [òn lơgar niam ngan, xã Glar geh uă bơta [ươn nàng pờ tơlik ală gùng dà bơtàu tơnguh pa. Hơ\ là dòr nho- dòr nhơ\t phồng: dùl anih nhơl chờ pa pơnrơ bơh càr Gia Lai mờ tiah Tây Nguyên dê. Tàm tiah do, càr Gia Lai neh lơh ală rơndăp broă lơh [làng nhơl plai golf, tiah ơm rlô pràn să [òn lơgar brê bơnơm, tiah làng bol ơm kis pas sơm...Tơngai tus, tu\ dùl ròt ală rơndăp broă kuơmàng bơh càr Gia Lai dê geh bơcri priă lơh tàm do, xã Glar geh gam tam gơl uă rlau tai.

Ngai sơlơ geh uă hìu sơmang geh lơh dờng mờ niam ngan tàm xã Glar

Bơh nam 2020, pơn jăt tai tơnguh uă cồng nha ală broă [òn lơgar pa neh lơh geh, xã Glar lơh ngan lơh geh ngan ngồn bơtàu tơnguh rài kis làng bol dê, wèt tus bơ\t bơtàu dùl kơnhoàl ù tiah [òn lơgar pa jak chài, cau lơh broă sa pas sơm, dùl “{òn lơgar kis di ngan” mờ ală broă lơh nhơl chờ lơh broă sa sươn sre, homestay, nhơl chờ niam chài, [òn lơgar brê bơnơm...

Cau cih Minh Huệ- Cau mblàng Lơ Mu K’Yến