VOV4.K’ho- Rlau 10 nam là cau kra [òn bơh [òn Pu Tá dê, xã Măng Ri, kơnhoàl Tu Mơ Rông, càr Kon Tum, cau ling yau ồng A Duân sùm lơh krơh, lam lài tàm ală broă lơh tàm tiah ơm kis. Ồng gam jơh nùs ngan mblàng yal, hòi jà ală rơnàng làng bol lơh jăt jơnau sồr, gùng dà broă lơh bơh Đảng dê, kơrnoat boh lam bơh Dà lơgar dê mờ lơh jăt ală srơh tàm pơrlòng tơrgùm bal pràn bơtàu tơnguh lơh sa- mpồl bơtiàn tàm tiah do.

Đơs bè ồng A Duân cau kra [òn, ồng A Ku, Phó Bí thư Đảng ủy xã Măng Ri pà gi\t: {òn Pu Tá geh rlau 60 hìu bơnhă làng bol bal mờ 226 nă cau. Tơngai lài, kơnờm geh bơta mblàng yal, hòi jà jơh nùs ngan bơh ồng A Duân cau kra [òn dê mờ làng bol tus bal lơh broă lơh sa geh cồng nha ngan. Bơh nam 2015 tus tu\ do, ồng neh hòi jà geh 24 hìu bơnhă tam gơl chi tam cèng wơl priă jền lơh sa uă, mờ kờp jơh là 8 lồ kơnuh sơnơm jriang, rlau 3 sàu kơnuh sơnơm Ngọc Linh, lơh bal mờ ală công ty tam rlau 2 sàu kơnuh sơnơm Ngọc Linh mờ 12 lồ kơphê. Mìng is, hìu bơnhă ồng A Duân neh lam lài lơh krơh tam gơl tam pơgăp 1 lồ kơnuh sơnơm jriang mờ 7 sàu kơphê.

Tam pà bal bè bơta mờng chài mblàng yal hòi jà làng bol [òn lơgar, ồng A Duân yal: A` sùm geh măt tàm ală dơ\ pơrjum thôn. Tơnơ\ ală tơngume jơnau sồr bơh kuang ătbồ thôn dê, a` sùm tơngkah wơl nàng làng bol in kah nền, mơkung gơ jăt tàm tơl nhai kàl mờ geh broă mblàng yal, hòi jà gơ in dipal nàng làng bol in sền gròi sơngka sền gàr sươn chi, tam ală tờm chi ai cồng nha, lơh sa uă, gơdờp mờ ù tiah bơh tiah he dê. Gơ wèt mờ bàr pe hìu bơnhă ờ bài kờ` tam gơl chi tam jăt gùng dà lơh gơlik phan kă bro geh priă jền uă, a` cribơyai mờ mpồl ătbồ thôn, hơ\ sồng bal mờ ală đảng viên, kuang bàng mpồl cau drơng kơnòl broă mpồl hìu bơnhă lơh ngan hòi jà, dong kờl khi git geh ală broă lơh tơrlòng lài chi tam nàng lùp bơsram mờ lơh jăt…

Jơnau hìu bơnhă r[ah ồng A Sai dê là dùl jơnau ai lơh pơnyơu. Lài mờ nam 2018, jơh dùl hìu tam 3 sàu kòi mìr mơya ờ go\ geh tơl kòi sa jơh gùt nam in. Bơh mblàng yal, hòi jà, ồng A Sai neh tam gơl tam kơnuh sơnơm jriang, pa do tơnhàu geh mờr 30 tơlak đong. Klàs bơh r[ah, rài kis hìu bơnhă ồng A Sai tu\ do neh kơ\ kơl jăp.

Bơh tơm bơh bơr mờ ală hìu bơnhă làng bol thôn Pu Tá, làng bol gơlơh sền ki ngàm ngan, kơnờm geh ồng A Duân hòi jà, dong kờl lơh sa hìu bơnhă bơtàu tơnguh. A Vắt, là cau tàm mpồl cau ling yau thôn Pu Tá, đơs bè do: Tàm pơrjum mpồl, ồng A Duân sùm tơngkah oh mi pin dờn tàm gùng dà bơh Đảng dê, Bác Hồ dê. Ồng să tờm tơn dong kờl 8 hìu bơnhă cau tàm mpồl tam sơntìl kơphê, bời lời, dong kờl tam kơnuh sơnơm jriang, kơnuh sơnơm Ngọc Linh…      

Gơ wèt mờ ală srơh, broă lơh ndai tàm [òn lơgar, ồng A Duân ờ go\ kơlôi tus tu\ jiơ, trồ ngai halà trồ mang, mìu halà tơngai, bal mờ kuang bàng thôn, xã mờ ală pơgru hìu bơsram kấp dùl, kấp bàr xã Măng Ri mu\t tơn tàm mìr hòi jà mè bèp kơnòm bơsram ai kòn in lòt bơsram; halà tus bal bơto bơtê, bơto tơngkah ală ơruh pơnu kơnòm pa tàu ba` tơrgùm să `ô ơlak tơrnờm, bơ`ul lơm bè lơh tung lơtăng tàm [òn lơgar, lòt rê ờ di bơta pal jăt, halà alah lơh broă, tung kơ`au phan tàm [òn lơgar… Ồng A Duân kung sền gròi ngan mblàng yal, hòi jà làng bol prăp gàr ală bơhiàn niam chài kòn cau dê nàng bơtàu tơnguh Pu Tá gơ gơs là [òn nhơl chờ mpồl bơtiàn.

Mờ bơta jơh nùs mờ geh kơnòl bơh dùl nă cau kra [òn, dùl nă cau ling yau dê, ồng A Duân sùm lơh niam gơnoar broă lam lài nàng làng bol in bơsram mờ đòm jăt; mơkung là anih kơldìng pin dờn bơh gơnoar ătbồ tiah do dê. Ồng neh pơgồp bơnah ờ dùl êt tàm broă lơh hòi jà làng bol tam klăc bal, lơh jăt ngan ngồn gùng dà, jơnau sồr bơh Đảng, kơrnoat boh lam dà lơgar dê, kung bè lơh pràn bơtàu tơnguh lơh sa, tam gơl rài kis ngai sơlơ niam bơne\ rlau.

Jăt Báo Kon Tum- Cau mblàng Lơ Mu K’Yến