Jat jơnau yal bơh Anih tờm gròi sền kòp tê jê să (CDC) càr Dăk Lăk dê, tàm ù tiah càr dê pa geh dùl nă kơnòm dềt chơ̆t tài bơh kòp jơng- tê- bơr tàm Hìu sơnơm dờng tiah Tây Nguyên mờ jơnau đơs sồt mồr uă, sồt mồr mhàm, sồt mồr uă bơta tàm să jan, kòp jơng– tê- bơr khà 4, jat sền as sồt poăc plai nùs kấp. Cau gơbàn chơ̆t là kơnòm klau dềt deh nam 2022, ơm tàm tổ dân phố 1, sơnah ƀòn Thiện An, thị xã Buôn Hồ. Do là kơnòm dềt sơn rờp chơ̆t tài bơh kòp jơng –tê- bơr tàm càr Dăk Lăk tàm nam do.

Bơh bồ nam tus tŭ do, jơh gùt càr neh geh 76 nă kơnòm dềt bơtờp kòp jơng-tê-bơr, rah rài tàm ală kơnhoàl, thị xã, ƀòn dờng. Tŭ do, càr Dăk Lăk gam mut tàm kàl mìu, là bơta ƀuơn nàng kòp jơng-tê-bơr mờ uă bơta kòp bơtờp gơlik geh, bơtờp uă tiah. Dilah ờ geh sền gŏ mờ sơm kòp di tŭ, kòp jơng-tê-bơr rơ̆p gơlam tus ală bơta aniai, pơhìn chơ̆t să tàm kơnòm dềt.