VOV4.K’ho- Tam gơl rơndăp tăp sèng chi tam, lơh gơlik uă ală bơta phan, ngui bơta jak chài măy mok tàm broă lơh sa gam là jơnau sồr gơ tơlik tus mờ là gùng dà ờ gơtùi pleh klàs tàm broă lơh sa sươn sre. Tàm càr Gia Lai, uă cau lơh broă sa kung neh khin cha tam gơl rơndăp tăp sèng chi tam, bơh ală tờm chi lơyah ngai tus tờm chi sa plai mờ bơh sơnrờp neh lơh geh cồng nha.

 Tàm gùl kàl prang, tàm tu\ jơh gùt kơnhoàl ù tiah dờng ơning ơnàng sươn tam tàu gam ro nhhòp jơh den sươn plai jràng bơh hìu bơnhă mò Nguyễn Thị Huyền dê ơm tàm thôn Chư Wâu, xã Chư A Thai, kơnhoàl Phú Thiện, càr Gia Lai gơ lơh mpờl niam ngan tài bơh bơta tơlir niam ngan. Ơm ntàu kềng gah ală tờm chi plai jràng gam mbòr ngan plai, rcăng pik, mò Nguyễn Thị Huyền chờ hờp pà gi\t, mò tam gơl 3 lồ bơh ù tam tàu nàng tam plai jràng di 8 nam do.

Tu\ do, sươn plai jràng neh mu\t tàm nam ai sa dơ\ 5, mờ pơgăp 500 tờm plai jràng Hưng Yên mờ plai jràng Thái ai cồng nha kờp bal bơh 70 tus 90 ki\ tàm dùl tờm. Plai jràng bơkah ngan den tàng cau kă phan kung jòi tus tơn tàm sươn nàng dan blơi, hìu bơnhă mò ờ duh pal pơndiang lòt tăc. Mờ priă tăc kas ngan, kờp bal bơh 25 rbô tus 45 rbô đong dùl ki\, gơ jăt tàm nhai kàl, sươn plai jràng gam cèng wơl bơnah priă jền lơh geh rlau 1 tơmàn đong pah nam ai hìu bơnhă mò Huyền in.

Mò Nguyễn Thị Huyền, đơs: {òn tờm bơh hìu bơnhă dê là [òn tờm tam plai jràng Hưng Yên, den tàng go\ ù tiah tàm do kal ke ir, hìu bơnhă hơ\ sồng cèng tờm plai jràng bơh tàm [òn tờm nàng tam, tam tơrlòng gời, lơh broă lơh tơrlòng. Mơya, bơtuah ngan là rê tus ndo den tờm chi gơ jai kong geh mờ a` sơnđờm rề ơnàng tam uă.

Sươn plai jràng geh priă tơmàn bơh hìu bơnhă mò Nguyễn Thị Huyền dê tàm thôn Chư Wâu, xã Chư A Thai, kơnhoàl Phú Thiện

Kung [òn tờm Hưng Yên sơl, tàm 10 nam do, hìu bơnhă ồng Bùi Đức Qúy, ơm tàm thôn Hải Yên, xã Chư A Thai, kơnhoàl Phú Thiện, càr Gia Lai neh khin cha tam gơl rơhời 5 lồ ù bơh tam tàu nàng tam plai jràng mờ tu\ do sươn plai jràng neh geh rlau 800 tờm dờng, dềt. Ală tờm chi dờng tu\ do gơ ai tơnhàu geh 1 tạ plai tàm dùl nam.

Roh uă ngan dà kơlhề lòt jòi lùp, kơlôi sơnơng bal mờ ù tiah, trồ tiah tàm kơnhoàl ù tiah ro kơnra`, lu\ rơđeh lơm bè Chư A Thai, ồng Quý neh chài ngui măy mok lơh ai sươn plai jràng in geh bơkàu mờ tơ\t plai gùt nam sùm, nhai lơi kung geh plai jràng nàng tăc tàm drà. Kơnờm bè hơ\ mờ priă jền lơh geh sùm mờ uă ngan, mờ kờp bal pơgăp 1 tơmàn 200 tơlak đong dùl nam, uă rlau uă dơ\ pơndrờm mờ tam tàu bè lài do.

Ồng Bùi Đình Qúy, đơs: Tàm do, là gơ ai plai gùt nam sùm, a` kờ` chi lơi geh plai là chi hơ\ geh plai tơn. Mờ tàm 12 nhai a` geh lơm plai jràng nàng tăc. Hơ\ là tăc plai jràng puan kàl sùm tàm nam. Mơya, ờ go\ di là dùl tờm gơ ai plai uă dơ\ ờ, mờ tơnhàu tờm do den lơh tờm ndai in geh plai.

Ồng Bùi Đức Qúy neh chài ngui măy mok lơh ai sươn plai jràng in geh bơkàu, tơ\t plai gùt nam sùm

Bơh ală cau sơnrờp [òn tờm tàm Hưng Yên tus tam gơl bơh tam tàu mờ bàr pe tờm chi tam lơyah ngai nàng lời wơl ù tam tờm plai jràng, tus tu\ do, broă tam plai jràng tàm kơnhoàl ù tiah ro kơnra` Chư A Thai neh bơtàu tơnguh bal mờ uă ngan cau lùp bơsram mờ lơh jăt. Uă broă lơh gam ai cồng nha lơh sa niam ngan.

Bè hìu bơnhă ồng Lại Quang Huấn, ơm tàm thôn Chư Wâu, xã Chư A Thai, kơnhoàl Phú Thiện neh khin cha tam gơl rlau 3 lồ ù tam tàu nàng tam wơl plai jràng di 3, 4 nam do. Tu\ do, sươn plai jràng sơnđờm mu\t tàm tơngai ai sa mờ rài kis hìu bơnhă ồng Huấn dê kơnờm bơh hơ\ kung gam rơhời tơl ngui tơl sa rlau.

Jăt ồng Huấn yal, broă tam plai jràng gơ sồr bơta chài uă ngan den tàng cau tam pal tơryăng tơryồng, kong bòl glar lùp bơsram, kơrhia ngan bơh broă rwah sơntìl tus broă tam, sơngka sền gàr den hơ\ sồng chài ătbồ geh sươn plai jràng. Tàm bă ù ờ tơl dà, ồng Huấn neh kơlôi sơnơng nàng bơcri jăt gùng dà lơh broă sa sươn sre công nghệ cao bal mờ ală ding dà tuh dà tềm pềr, dong tờm plai jràng hòn dờng niam sùm mơkung ờ huan roh uă cau lơh broă.

Ồng Huấn đơs: Đơs bal, bơcri lơh geh ală ding dà tuh do, he ờ roh priă apah cau tuh dà, bàr tai là lơh ờ bòl dùl êt lơi. He mìng geh tu\ tam gơl ală van nàng tuh dà tàm tiah lơi là tam gơl van tàm hơ\. Mờ tờm chi den hòn dờng niam ngan tài bơh tu\ lơi kung geh dà lơm.

Tuh dà tềm pềr ai sươn plai jràng tàm bă ù ro kơnra` Chư A Thai 

Broă tam plai jràng gam rơhời mpờl go\ tàm xã Chư A Thai, kơnhoàl Phú Thiện, càr Gia Lai. Ală tờm jràng gam hòn dờng niam mờ cèng wơl cồng nha lơh sa uă ai làng bol lơh broă sa in. Khin cha bơcri priă tam gơl rơndăp tăp sèng chi tam, rcăng lài mờ jơh nùs lùp bơsram bơta mờng chài nàng ngui tàm bơta geh ngan, gam cèng wơl ală cồng nha geh kuơ ngan ai ală hìu bơnhă làng bol tam plai jràng tàm kơnhoàl ù tiah ro kơnra` in. Do là ală broă lơh niam, dipal ngan nàng lùp bơsram, rề ơnàng lơh uă bè broă lơh tàm tu\ tơngai gah lơh broă sa sươn sre tàm tiah do gam uă kal ke bè tu\ do.

Cau cih Công Bắc- Cau mblàng Lơ Mu K’Yến