Đơs tàm dơ̆ mut lơh, Phó Củ tịc Ủy ƀan Ñân zân càr Kon Tum ồng Nguyễn Hữu Tháp đơs nền, ală anih lơh ƀăo, mblàng yal jơnau bơh càr dê bal mờ ala mat ală anih lơh broă yal tơnggit jơnau, sră ƀăo bơh dà lơgar dê lơh broă tàm càr neh geh uă tam gơl pa tàm broă lam lơh kơnòl broă cíñ trị, tơnguh bồ tơngoh bơsram sră làng bol, pơgồp bơnah uă ngan tàm cồng nha bơtàu tơnguh lơh sa - mpồl bơtiàn càr dê.
Ồng Nguyễn Hữu Tháp kơp kờñ ală anih yal tơnggit jơnau, sră ƀăo, mblàng yal jơnau pơn jat tai lơh ngan, pơn đơl pràn rlau tai nàng lơh gơs ală jơnau sră ƀăo geh bơta niam uă, yal tơnggit, đơs nền bơta bơtàu tơnguh càr dê; jờng rơ ală cau lơh ƀăo; pơn jờng, bơtàu tơnguh niam chài sền sră bơh làng bol càr Kon Tum dê.
Viết bình luận