Neh gơ gơs ờs mờng, tàm ngai 07 nhai 01 jat nam lơgar he dê pah nam, uă làng bol mờ nac nhơl chờ tus mờ tiah nhơl chờ brê bơnơm Kŏ Tam tàm ƀòn dờng Buôn Ma Thuột, càr Dăk Lăk geh tus bal dơ̆ rò Mè dà lơgar sơn rờp Âu Cơ mờ yồng pơyua bơta kơp kờñ tàm tờm chi hòi dan nam pa.

Di dơ̆ do, tàm uă kơnhoàl, xã tàm càr Dăk Lăk kung gam geh lơh ală broă lơh niam chài, lơh chờ bồ nam pa; Dơ̆ lơh chờ sơn đờm mù lơh sre bơh kòn cau Mường dê tàm xã Hoà Sơn, kơnhoàl Krông Bông; dơ̆ lơh chờ Lồng Tồng bơh cau Tày, Nùng dê tàm kơnhoàl Cư Mgar; dơ̆ lơh chờ pơrlòng plung tàm kơnhoàl Krông Ana; lơh chờ niam chài ală jơi bơtiàn kòn cau kơnhoàl Ea Kar dơ̆ 2 nam 2023. Jat mò Nguyễn Thụy Phương Hiếu, Phó Kwang atbồ Sở Văn hóa- Thể thao mờ Zu lịc càr Dăk Lăk pà git, ală broă lơh, niam chài lơh chờ nam do geh lơh rah rài tàm jơh gùt nhai 1 jat nam lơgar he tàm uă kơnhoàl, thị xã tàm càr.