VOV4.Mnông – Tĭng N’gâng kan tuch tăm mât rong n’hanh hun hao ƀon lan, dĭng lĕ geh tăch n’gluh ndơ lŏ mir, si glê, tui ka 3 khay geh 18,34 rmen đôlar. Tâm nĕ tăch n’gluh geh 10,16 rmen đôlar, hao 19,7% nkôp đah rơh aơ năm e. Tâm 3 khay, âk ndơ khlay tăch n’gluh âk lơn nkôp đah rơh aơ năm e kơt: cao su, chè, biăp play, bum, tui, ăp ndơ si glê. Yơn lah, hôm e geh ăp ntil ndơ khlay tăch n’gluh hŭch kơt: cà phê, phe, điều, ka tra... Đah ntŭk tăch n’gluh, khlay ndơ lŏ mir, si glê, tui ka ăp ntŭk tâm nkual châu Á geh 54,4% ntŭk tăch; Châu Mỹ 32,2%; châu Âu 11,8%... Tâm rnoh nĕ, 4 ntŭk tăch n’gluh khlay lah Mỹ, Trung Quốc, Nhật Bản n’hanh Hàn Quốc geh nău hao jêng âk tâm tăch n’gluh dak bah dih.

Nuĭh răk rblang: Y Sưng Phê Ja