VOV4.M'nông: Ôi 20/12 ta Hà Nội, Bộ Nông nghiệp n'hanh Phát triển nông thôn ƀư tâm nchră pơk sŏng dăng uănh năl jêh geh tĭng ƀư n'hanh ntrŭt ntrôl pơk hvi trong ntĭt leo tuch tăm geh âk nău lư rdâng lơh đah rgâl duh nđik trôk nar mpeh trong nchrăp kan tuch tăm geh dak tŏ.

Lôch 6 năm an ƀư, trong nchrăp hŏ rgop rgâl geh trong tŏ mhe, an rlău 93 rbăn ha tuch tăm mpeh 7 n'gor, nkual ƀon têh lam dak. Trong nchrăp hŏ ntop kơl rdâk njêng trong ntĭt leo tuch tăm bên di đah rgâl duh  nđik trôk nar đah ăp ntil tơm tăm kơt: ba, ăp ntil bum biăp, tuh mbo, tơm sa play n'hanh tơm jong năm. Tĭng Thứ trưởng Bộ Nông nghiệp n'hanh Phát triển nông thôn Lê Quốc Doanh, ăp nău dơi hŏ geh bah trong nchrăp kan rgop khlay tâm nău tĭng ƀư geh nău dơi Đề án dăp rgum tay n'gâng kan tuch tăm tâm ban kơt trong ƀư âk n'hong dak tŏ tât năm 2030 n'hanh uănh ngai tât năm 2050./.

Nuĭh rblang: Điểu Thân