VOV4.M'nông: Nkhêp nkah ndray 110 năm Nar Wa Hồ hăn joi trong kơl neh dak (05/6), măng (4/6) ta Hà Nội, Báo điện tử Đảng Cộng sản Việt Nam ƀư bôk nău kan njroh mprơ mha êng “Người là niềm tin tất thắng”. Du bông măng njroh mprơ lah ăp nău nkoch mpeh wa Hồ- Kruanh têh kuâng, du bông nău rêh an lĕ ma nău đăp mpăn dah rŏng bah rnoi nuĭh, du nuih n'hâm an ma neh dak, an ma ƀon lan.

Săk rup bah Wa hôm lah ăp rup gui dăch dêh, kloh rsang, n'hanh uĕh reh, dêh rmên đŏng, ăp nuih n'hâm ntĭt leo chrat ang đah âk rơh kơn nuĭh Việt Nam. Bôk nău njroh mprơ dơi rdâk đah ăp nău njroh mprơ săk ntơr êng tâm pă ƀư jêng bar gâl: Gâl 1: Wa hăn joi gui bah dak; Gâl 2: Hồ Chí Minh- Chrat ang nău mĭn rôih sŏng Việt Nam. Râng bôk nău njroh mprơ lah ăp ca sĩ, nghệ sĩ dơi âk nuĭh ŭch rŏng djăt uănh kơt: NSƯT Đăng Dương, NSƯT Thanh Lam, NSƯT Hoàng Tùng, ca sĩ Anh Thơ, ca sĩ Lê Anh Dũng ... mpơl ăp nău njroh mprơ hăn ndrel năm khay mpeh Đảng, mpeh wa Hồ dêh rŏng kơt: Người là niềm tin tất thắng; Dấu chân phía trước; Đôi dép Bác Hồ, Đêm đò đưa nhớ Bác, Bác Hồ một tình yêu bao la....

Nuĭh rblang: Điểu Thân