VOV4.Mnông- Gay ma n’hao nău khlăy an ntil ndơ cà phê, yuh K’Chăm 30 năm deh, ta xã Đạ Sar, nkuăl Lạc Dương, n’gor Lâm Đồng le\ ua\nh g^t, rdâk njêng nău ntơ cà phê Yu\ M’nang, ndơ\ ntil ndơ cà phê kloh ueh tât đah âk nu^h do\ng ndơ. Lôch 2 năm hun hao, cà phê Yu\ M’nang le\ geh pă nău kơp dơn ntơ OCOP n’gor Lâm Đồng n’hanh dôl geh âk năch u\ch do\ng.

            Năm 2018, bu ur cử nhân K’Chăm, dôl lah nai nti Anh văn ta du ngih nti tiểu học, le\ dăn rlu kan plơ\ s^t ta jay  ntơm njêng nău kan đah nău ntơ cà phê Yu\ M’nang-ntil cà phê môi geh [ư bâh ăp găr cà phê Arabica du\m bâh ta ntu\k. Yuh K’Chăm nkoch, tơm cà phê le\ dăch bên đah âk rnăk vâl n’hanh [on lan ta aơ. Yơn lah yor kanu\ng tăch rnglăy, jêng lah cà phê mô khlăy, [on lan le\ năm mât chăm mô geh rmeh prăk kan. Saơ âk năch tâm dak n’hanh dak bah dih [a [ơ tât ta yôk M’nang so\k rup đah tu\k, ua\nh tơm kao anh đào dang, yuh m^n an geh rdâk njêng du nău ntơ cà phê ntoh lư bâh ta ntu\k gay ma kơl an [on lan n’hao nău geh. M^n lah [ư, đah nău blău g^t ngăch ngăr bâh nơm, yuh K’Chăm le\ pơk quán cà phê, manh bơi tât 200 rkeh prăk rvăt máy mok vâr k^n, tâl du\ng cà phê môi.

            “ A[aơ [on lan way lêh roih le\ play jêng rnoh tăch mô khlăy, rnôk gâp geh njêng cà phê Yu\ M’nâng gâp u\ch lah nu^h hăn lor bôk năp [ư cà phê ueh n’hanh kơl an [on lan mpo\ng ua\nh gay ma [ư t^ng bâh ne\ n’hao nău khlăy cà phê. Yor cà phê Arabica ta Đạ Sar geh rnoh khlăy mpeh wa\ng sa du\t âk mô êng kơt cà phê ta ăp nkual êng. Gâp u\ch, [on lan tăm cà phê ta nkual aơ rnôk lêh cà phê an geh lêh play le\ du\m le\ rngôch gay ma tăch đah rnoh khlăy lơn”.

            A[aơ 1 kg cà phê Arabica du\m, yuh K’Chăm rvăt play rêh đah rnoh khlăy 10 rbăn prăk, tâm rnôk ne\ lah [on lan lêh roih le\ n’g^ng tăch rêh kanu\ng geh 6 tât 7 rbăn prăk. Lôch geh k^n môi, ăp kg cà phê Arabica yuh tăch geh 600 rbăn prăk, âk rlău đah ăp ntil cà phê êng. Wa K’Hên, ta thôn 4, xã Đạ Sar, nkuăl Lạc Dương nkoch, saơ K’Chăm [ư geh săk rnglăy [on lan kơt nti đo\ng. Bol ma lêh săch play du\m hoach roh âk mông nar, yơn tăch geh rnoh khlăy lơn jêng ăp nu^h u\ch da dê.

            “Cà phê [ư ta aơ lah cà phê ueh, cà phê kloh, kah mô geh mpli đah ăp ntil ndơ êng jêng lah ăp năch khân păng rvăt âk ngăn, khân păng hôm rnê cà phê kah jêng hên tăch geh rnoh khlăy”.

            Lôch 2 năm njêng nău kan, ntil cà phê Yu\ M’nang bâh K’Chăm le\ geh pă nău kơp dơn OCOP 3 sao bâh n’gor Lâm Đồng. gay ma mât đăp mpăn nău ueh cà phê pă an ntu\k tăch rgâl, K’Chăm le\ tâm rgop đah du đê| rnăk [on lan tâm xã n’hao rnoh neh tăm cà phê kloh ueh. Nkre lah, yuh nsrôih mbơh tơih ta mạng xã hội n’hanh êng nơm tât ta ăp ntu\k tăch tâm n’hanh bah dih n’gor mbơh, joi, tâm rgop ntu\k tăch rgâl.

            Wa Liêng Trang K’Sáu-kruanh Hội nông dân xã Đạ Sar an g^t, nău kan mât tăm, tăch rgâl cà phê bâh K’Chăm le\ kơl an âk rnăk rgâl nău m^n mât tăm. Cà phê Yu\ M’nang geh kơp dơn OCOP le\ njêng nău tâm rgop pah kan, tăch rgâl ndơ tuch tăm, n’hao nău geh an [on lan K’Ho.

            “ Tâm rnôk ba năp, cà phê jur thuk jêng âk [on lan mô hôm u\ch mât chăm rnôk ma phân poh hao khlăy, prăk nkhôm nu^h kan khlăy. Yor ne\, rnôk K’Chăm [ư dơi nău kan tăm cà phê kloh, ueh le\ kơl an [on lan n’hao nău geh, nkre lah pơk tay trong pah kan mhe jêng lah [on lan du\t rhơn. Bâh ne\ nău kan njêng nău kan bâh K’Chăm le\ njêng âk nău nsrôih an ăp mom ndăm êng ntơm nău kan. Tâm let năp tay, mpôl hên mbra tâm rgop đah doanh nghiệp kơl ntu\k tăch an ndơ geh [ư, nta nău dơh nơih an rnăk vâl manh prăk gay ma hun hao pah kan”.

            Ntơm njêng nău kan đah ndơ tuch tăm ntoh lư bâh [on tơm, K’Chăm le\ ntop n’hao nău khlăy bâh tơm cà phê Arabica ta ba dâng jâng yôk M’nang, pơk trong hun hao wa\ng sa nâp nâl ndrel đah [ư nău kan pâl nđaih an ntu\k rêh jêng nu^h K’Ho ta Đạ Sar.

            Nu^h rblang: Thị Đoắt