VOV4.M'nông: Hội đồng nhân dân n'gor Dak Lak mhe uănh an dŏng Nghị quyết rgâl nkra, kơi ntop du đêt nkô̆ bah Nghị quyết 78/2012 mpeh trong kơl mât ndray rveh ƀon deh kon n'hanh bah ir tâm prơ suan rveh, kơi ntop trong kơl ndơ dŏng nsum an rveh. Tĭng nghị quyết mhe dơi rgâl nkra, Dak Lak mbra ntop kơl 500 rbăn prăk/tơm rveh me/nar n'hanh 600 rbăn prăk/tơm rveh dăm/nar, jŏ tâm 30 nar rveh me dăm tâm gŭ nsum.

Lah rveh me bŭn ntreo, nuĭh tơm rveh dơi ntop kơl tay 300 rbăn prăk/nar tâm 10 khay bŭn ntreo, 600 rbăn prăk/nar ntơm bah 11 khay bŭn ntreo tât prao khay bah kơi lôch rveh deh kon. Đah nuĭh mât rveh me, n'gor ntop kơl 200 rbăn prăk/nar dŭt jŏ tâm 29 khay.....Gay bah ir dŏng prơ suan rveh ta Dak Lak, ăp nkuâl way geh ntoh rveh bri dơi njêng rmôt mât njrăng, ăp rmôt âk mô rlău 10 nuĭh gay tĭng groi nđôi trong hăn bah rveh, gay ntru rveh lăp lơh mir ba./.  

Nuĭh rblang: Điểu Thân