VOV4.Mnông – Nchrăp an nău chuh vaccine njrăng Covid-19, ôi 22/4, N’gâng kan dak si n’gor Dak Lak lĕ ƀư tiăr nti n’hanh tŏng ăp đăp mpăn tâm rnôk chuh an 90 cán bộ dak si ta ăp ntŭk ngih dak si nkuăl/nkual têh/nkual ƀon têh bah n’gor. Ta jrô tiăr nti, ăp nuĭh nti dơi ntĭm ƀư trong nchrăp, ƀư chuh vaccine njrăng Covid-19; mbơh nu nău mpeh vaccine Covid-119; ntĭm dŏng, săch lor rnôk chuh vaccine Covid-19; ntĭm mkra săm ndal hao rlơn dak si, đăp mpăn chuh n’hanh groi nđôi rlơn dak si jêh chuh; trong ăp ntrong leo lor, ndrôm sam ƀŭt chuh điện tử.

Ntŭk nar tiăr nti chuh vaccine Covid-19

Aƀaơ, Dak Lak lĕ wơt dơn 15.700 ding vaccine Covid-19 n’hanh mbra ƀư chuh an 3 rmôt nuĭh geh ăp nuĭh pah kan ta ăp ntŭk ngih dak si, nuĭh râng njrăng n’gang srê n’hanh n’har bri, Công an, Cục Hải quan, N’gâng kan ntĭm rđau tahen n’gor bah nar 27/4 tât 7/5.

Nuĭh rblang: Y Sưng Phê Ja