VOV4.M’nông: Lơ 12/8, UBND n’gor Dak Lak ntrŭnh nau tăch 2 ntil play sa tơm ngăn bah n’gor lah Sầu riêng ndrel ƀơ đah rnoh geh nklăp 150 rbăn tấn. Nau nchrăp ân nau kan tât bah srê Covid-19 mra geh tât tâm nau mô dơi nkân ndrel nau tât lah srê Covid-19 geh tât nar lơn ma jêr, lơn ma mô dơi leo tăch tât dak ba dih. Tĭng nau nchrăp mhe ntrŭnh, UBND n’gor Dak Lak, nchrăp: Lah srê Covid-19 tâm nau jêr rdâng kơt rnôk aơ.

Ri nkuăl mât rnoh geh tăch luh nklăp 70% rnoh sầu riêng, tâm ban 72 rbăn tấn, 30% hôm e geh tăch tâm dak tâm rnoh play rih ndrel tik nkhop ân n’ik. Đah play bơ, nkô̆ geh 80%, tâm ban 32 rbăn tấn, tăch tâm dak, hôm e lah tăch luh. Nau kan tal bar nchrăp ân srê Covid-19 geh tât nau jêr, n’gor mra rgum ăp nau kơl an ƀon lan tăch bơ, sầu riêng. Nkô̆ nau rnoh geh tăch luh sầu riêng huch hôm 50% ndrel bơ lah 10%. Tât rnôk aơ, sầu riêng Dona, ntil tơm rnoh geh văng sa âk ngăn, dôl ma dŭm, geh rnoh tăch tâm dâng 45 rbăn/kg, n’huch rlau 20% rđil năm e./.

Nŭih rblang: H’Thi