VOV4.M’nông – N’gâng kan Văn hóa-Thể thao n’hanh Pâl nđaih n’gor Dak Lak ƀư nsơr mbơh n’hanh sŏk dŏng nău mprơ ngơi tâm ơh Nău ŭch Dam Săn-tác phẩm dơi ndâk ƀư geh tâm ot ndrong Dam Săn bah rnoi Ê dê, đah nău ŭch ndâk njêng du tác phẩm têh tâm nău âm nhạc Việt Nam. Nău mprơ ngơi tâm ơh nău ŭch Dam Săn lah bôk nău rgop tâm nchră dơi n’gor Dak Lak uănh an bah dăn đă bâh công ty TNHH Sông Thương Garden, jao an N’gâng kan Văn hóa-Thể thao n’hanh Pâl nđaih ƀư tơm, nhạc sĩ Nguyễn Cường ƀư nuĭh nchih n’hanh tổng đạo diễn, đoàn ca múa nhạc dân tộc n’gor Dak Lak njroh mprơ.

Nhạc sỹ Nguyễn Cường nkoch nău mĭn ƀư mhe n'hanh lôch jêh bôk nău, nău mprơ ngơi tâm ơh

Wa H Yim Kđoh, Groi kruanh UBND n’gor Dak Lak an gĭt, Bôk nău rgop tâm nchră Nău mprơ ngơi tâm ơh nău ŭch Dam Săn dơi n’gor uănh an gay ndâk ƀư du tác phẩm têh tâm ndơ âm nhạc Việt nam. Rdâk ƀư tay, mât ndrăy n’hanh nkoch lịch sử văn hóa rnoi Ê đê tă bah âk nău mprơ, nău njroh dơi dŏng tâm tác phẩm; ndâk ƀư ntŭk njroh mprơ uĕh ntŭk ntô uĕh n’hanh nău ŭch jêng du ntil ndơ văn hóa pâl nđaih uĕh Dak Lak, dơi njroh mprơ ăp rơh.

Nŭih blang: Y Sưng Phê Ja