VOV4.M’nông: Ôi lơ 28/12, N’gâng kan văn hoá, thể thao ndrel pâl n’aih n’gor Dak Lak ƀư nau vơt ndơn bằng dăp rgum nau kan gưl n’gor đah ntŭk nkah ơm Ntŭk kan bah Uỷ ban Ndâk nau kan n’gor Dak Lak năm 1945. Ntŭk nkah ơm bah Ntŭk kan bah Uỷ ban ndâk nau kan n’gor Dak Lak năm 1945 gŭ ƀư nau kan tâm 71 Lý Thường kiệt, nkuăl ƀon têh Buôn Ma Thuột. Geh ndâk ntơm năm 1943, aơ lah ngih bah wa Đầu Viết Chúc, du ntŭk ƀư nau kan cách mạng bah Việt Minh. Ntơm năm 1944, ntŭk aơ hŏ jêng ntŭk tâm mâp mpôn bah Việt Minh tâm Dak Lak ndrel nkuăl miền Trung, mpôn rong âk ngăn tahen cách mạng. Tâm măng 19/8/1945, ta aơ geh rơh rƀŭn ndal bah Rnâng kan rđau kan n’gor Dak Lak rnôk nê, leo âk nau dơi tâm nau nsĭt n’gâng kan gưl n’gor, rgop nau ƀư rjăp nau dơi tâm Cách mạng khay pham năm 1945 bah neh dak. Ndrel ma nau dăp rgum ntŭk ơm gưl n’gor, ntŭk ơm ntŭk kan bah Uỷ ban Ndâk nau kan ơm n’gor Dak Lak 1945 geh jao ân n’gâng kan nkuăl ƀon têh Buôn Ma Thuột mât, ntuh kơl nkra ueh ndrel mât nau ơm khlay, kơl an nau ntĭm nti nau ơm ndrel pâl n’aih./.

Nŭih rblang: H’Thi