VOV4.M'nông: Tĭng uănh năl bah nhih pah kan rnâng kan, tâm let năp tay, nklăp nău ji pŭn ntô ndrôk, rpu ta Gia Lai mbra ntưp rêng tay tă bah mô hŏ dơi mât kân bah, Nău ji pŭn ntô ndrôk, rpu dơi năl ntưp rêng ma trong tut, rkay kăp jêng nău mât kân bah nuh srê jêr jŏt. Gia Lai lah n'gor  geh lĕ rngôch rnoh ndrôk rpu âk bôk năp ta nkual Tây Nguyên n'hanh dâk tâl 2 lam dak đah lĕ rngôch rlău 431 rbăn mblâm. Bol ma n'gor geh rnoh ndrôk rpu mpôl âk, yơn lơn âk mât tĭng trong nchah nchrai, mƀơk lêng tâm bri n'hanh nkual mât rong mô đăp mpăn kloh uĕh, tâm rnôk nê nău ji pŭn ntô ndrôk, rpu hôm ntưp rêng bah ăp ntil ndơ bu kăp. Aơ lah ngoăy tâm ăp ntil nău jêr jŏt, klach rvê an pah kan njrăng, n'gang nuh srê ta n'gor. Yor kơt nê̆, pah kan nkoch trêng, mbơh gĭt lam hvi gay nuĭh ƀon lan gĭt wât kloh mpeh nău ji pŭn ntô gay lor nchrăp tĭng ƀư ăp trong nkra njrăng n'gang lah dŭt khlay n'hanh ân dơi ntrôl ngăch dăng./.

Nuĭh rblang: Điểu Thân