VOV4.M’nông: Ê tât du khay ntơm rnôk ntoh, srê pŭn ntô tâm ndrôk rpu tâm Gia Lai ntưp rêng luh 35 xã, phường, nkuăl têh tâm 7 ntŭk tâm lam n’gor. N’gâng kan Thú y n’gor Gia Lai mbơh, kơp tât 23/6, nkuăl geh 846 lâm ndrôk, rpu bah 500 rnăk rong tâm 35 xã, tâm 6 nkuăl, nkuăl ƀon têh Pleiku ntưp. Tâm nê, 31 mlâm hŏ khĭt, nklăp khuch ma rhiăng rkeh prăk. Nkuăl Cư Sê đah 10 ntŭk srê ndrel nkuăl Kông Chro đah 9 ntŭk srê lah nkuăl geh âk ndrel ngăch ngăn.

  Srê pŭn ntô tâm ndrôk rpu

N’gâng kan thú y Gia Lai hŏ tâm rgop nsum ndrel nkuăl bonh đă ƀpn lan rvăt ndrel chuh rlau 500 rbăn dĭng vắc xin njrăng ân ndrôk rpu, pă rlau 4000 lít dak si mpuh kman tâm ăp ntŭk srê. N’gâng kan thú y n’gor Gia Lai ân lah, pŭn ntô geh nau mra ntưp âk lơn, ri ma ƀon lan ân ƀư ngăch nau njrăng, săm hi gay bah ân ndrôk rpu./.

Nŭih rblang: H’Thi