VOV4.M’nông – Đah dĭng lĕ rnoh neh cà phê play rlău 23.200ha, yan lêh năm aơ geh dĭng lĕ cà phê bah n’gor Kon Tum nchrăp geh rlău 61.700 tấn cà phê rlăy âk rlău năm e. Tâm rnôk srê Covid-19, bôl rnoh cà phe dôl geh trong hao, yơn nuĭh ƀon lan tăm cà phê ta Kon Tum hôm e rvê an nău tăch ndơ ngăn lah du đêt doanh nghiệp rwăt, nkret njêng hôm e cà phê nkân tâm jay bah năm bah năp.

Nkra njêng cà phê kloh uĕh ta nkuăl Đăk Hà, n’gor Kon Tum.

Ta năp nu nău aơ, Ntŭk kan hun hao ƀon lan n’gor Kon Tum lĕ ndâk njêng rmôt pah kan ntĭm rđău nkra njêng n’hanh tâm rgop tăch ndơ lŏ mir. Êng đah nău tăch ndơ cà phê an nuĭh ƀon lan lêh êp tât, ntŭk kan lĕ nchrăp ƀư trong nchrăp, tâm ôp tâm nchră, boăt nthoi joi trong tăch ndơ.

Nuĭh rblang: Y Sưng Phê Ja