VOV4.M’nông: Ta n’gor Kon Tum rnoh geh dĭng lĕ rlau 650 ha bum blang tâm 6 nkuăl, nkuăl ƀon têh, geh: Sa Thầy, Đắk Tô, Kon Plông, Kon Rẫy, Ngọc Hồi ndrel nkuăl ƀon têh Kon Tum geh bu tuh n’ha yor kman ndrel ôm reh bum. Bah năp nau nê, n’gâng kan ndrel ntŭk kan tuch tăm bah ăp nkuăl, nkuăl ƀon têh geh rnoh neh bum blang nchrăp ƀư âk nau kan gay ma njrăng bu tuh, rdâng nau ntưp rêng âk.

Ndrel ma nau ƀư rôk lơi, su lơi, tâm ăp nkuăl, nkuăl ƀon têh bah n’gor Kon Tum geh rnoh neh bum blang bu tuh n’ha yor kman ta Sa Thầy, Đắk Tô, Kon Plông, Kon Rẫy, Ngọc Hồi, nkuăl ƀon têh Kon Tum, ntŭk kan tuch tăm ndrel nŭih ƀon lan tâm nkuăl ntơm puh dak si nkhĭt bu tuh nglang gay ma njrăng ntưp rêng. Mpeh jŏ jong, n’gâng kan ăp nkuăl, nkuăl hŏ geh nau nchrăp ƀư rdâng đah bu tuh tâm rlau 650 ha bum blang bu tuh n’ha yor kman ndrel ôm reh./.

Nŭih rblang: H’Thi