VOV4.M’nông – Ta n’gor Kon Tum srê pŭn ntô ndrôk rpu ntưp ngăch tay. Nar 17/6, Đăk Hà, ngoay tâm 6 nkuăl, nkual ƀon têh bah n’gor Kon Tum geh ndrôk rpu geh srê lĕ an mbơh nuh srê pŭn ntô ndrôk rpu ta 2 xă Đăk La n’hanh Ngọc Wang. Tâm khay geh srê rlu ăp nău ƀư tăch rgâl, rdêng ndrôk rpu, klach đah srê pŭn ntô n’hanh poăch bah ndrôk rpu luh lăp tâm nkual srê.

Chuh dak si săm nuh srê pŭn ntô an ndrôk rpu ta nkual ƀon têh Kon Tum

Đah ăp ntŭk mô hŏ geh srê an njrăng n’hanh n’hao trong kan njrăng n’gang srê, uănh nđôi rjăp nu nău, nuh srê gay mkra ngăch rnôk geh srê luh. Nău mbơh bah Ntŭk kan Lŏ mir mât rong nkuăl Đăk Hà an saơ kơp bah nar 10 tât 15/6, ta nkuăl lĕ ntoh 18 ntŭk srê pŭn ntô ta ndrôk rpu, ta 7 thôn bah 2 xă Đăk La n’hanh Ngọc Wang đah 22 mlâm ndrôk ntưp srê. Nu nău srê dơi năl dôl geh jêr jŏt tay n’hanh geh nău ntưp rêng lam hvi

Nŭih rblang: Y Sưng Phê Ja