VOV4.M’nông: Lâm Đồng rnôk aơ geh 5 ntil ndơ mât rong tâm rgop nsum ma ăp nau geh rnoh khlay, lah: trong mât rong leo tăch dak toh ndrôk, nau kan mât rong sur, nau kan rong dẳăr, nau kan rong ndrôk sŏk puăch ndrel nau rong ndrŭng brai. Gay hun hao nau kan tâm rgop tâm nau kan mât rong, ê nkra ndơ ndrel tâm nthoi nau kan tăch rgâl, n’gor Lâm Đồng tâm rgop ăp rmôt kan, êng nŭih, ăp ntŭk kan ê nkra tăch rgâl puăch mra rong, kik djăr tât kí ton nau mât đăp nau kan leo tăch ndơ bah ăp ntŭk kan mât rong kơt lah: Nau kan mât rong tâm boh nau rong ndrôk sŏk puăch geh nsum ma ntŭk tăch bah ntŭk tâm boh kan nsum Võ Thị Xoan tâm rgop nsum đah 60 rnăk, nau geh 600 mlâm, rnoh geh puăch 200 tấn/năm. Công ty TNHH Ba Minh tâm rgop rong ndrŭng brai đah rnoh geh bah 50 rnăk (ta Lâm Hà, Đức Trọng, Đam Rông), rnoh 23 ha rong tơm rong 1000 hộp tăp ndrŭng ntil, rnoh 40 tấn/năm, 100% ntil ndơ geh bah ndrŭnh brai bah ăp rnăk tâm rgop tăch đăp mpăn, nâp nâl bah nau kan nsum./.

Nŭih rblang: H’Thi