VOV4.Mnông – N’gâng kan tuch tăm mât rong n’hanh Hun hao ƀon lan n’gor Lâm Đồng an gĭt dôl ƀư tĭng bôk nău rgop tâm nchră hun hao lŏ mir hữu cơ lvang 2020-2025 đah nău ŭch hun hao rnoh neh tuch tăm hữu cơ geh nklăp 1.600ha. Lâm Đồng aƀaơ lah ntŭk hăn bôk năp ta lam dak mpeh nkra njêng lŏ mir kơt dŏng công nghệ n’hanh hun hao lŏ mir mhe. Tâm nĕ, lŏ mir công nghệ mhe geh bơi 62.000ha. Lŏ mir kơt dŏng công nghệ mhe geh nklăp 50 ha biăp tâm tâm dak n’hanh 195 ha tăm tơm kơt dŏng công nghệ cảm biến rgâl êng duh nđik, mât uănh ndơ kah an tơm tăm. Lŏ mir kơt dŏng công nghệ mhe ta lam n’gor geh rnoh khlay nkra njêng rĭng geh 180 rkeh prăk/ha/năm. Lơn lah, rnoh neh biăp kơt dŏng công nghệ mhe geh bah 400-500 rkeh prăk/ha/năm, tăm nkao geh bah 800 rkeh-1,2 rmen prăk ha/năm.

Nuĭh rblang: Y Sưng Phê Ja