VOV4.M’nông – Gay ntrôl hun hao lŏ mir hữu cơ, bah meng ăp trong mkra ntop kơl mpeh ntil, kỹ thuật, ndâk njêng ntrong kan rlong lor, Lâm Đồng hôm ntop kơl ăp ntŭk kan nkra njêng, ê nkra ndơ lŏ mir hữu cơ mpeh ntrŭt ngăch tăch rgâl. Tĭng nĕ, Tơm prăk ngih dak ntop kơl 50% prăk ndâk ƀư moh ndơ, ntô lĭr ndơ bah ntrong kan lŏ mir hữu cơ n’hanh rnoh ntop kơl mô rlău 25 rkeh prăk/1 ntŭk kan. Bah meng nĕ, ntop kơl 50% prăk gay ăp doanh nghiệp, êng nuĭh râng rgum mpla tăch ndơ tâm dak, geh prăk rdêng ndoh ndơ, manh ndrơng ndơ n’hanh rnoh ntop kơl âk mô rlău 25 rkeh prăk an râng tâm du năm. Đah nău kơl aơ mbra kơl ăp ntŭk kan nsrôih ndâk ƀư ntô lĭr ndoh ndơ, mpla nsơ ndơ, bah nĕ nta an gĭt tât ntŭk tăch ndơ, mĭn lah ndơ moh êng n’hanh n’hao khlay dơi tâm rlong an ndơ lŏ mir hữu cơ Lâm Đồng.

          Nŭih rblang: Y Sưng Phê Ja