VOV4.M’nông: Jêh 13 năm ƀư nau ntrŭnh mrô 26-NQ/TW ndrel nau ntrŭnh mrô 899 bah Thủ tướng Chính phủ ân ƀư Bôk nau kan ndâk tay nau kan tuch tăm, Ntŭk kan tuch tăm Lâm Đồng hŏ geh nau rgâl mhe ngăn, nau geh hun hao âk lơn nau geh nsum bah lam dak. Lam n’gor hŏ ntrơn rgâl nklăp 125 rbăn ha tơm tăm ăp ntil, âk nau kan tăm rgum, tăm nsum geh nau dơi, ân geh nau văng sa prêh. Tât rnôk aơ, geh rlau 60% rnoh neh tăm cà pê geh dŏng ăp ntil tơm ndop măt, mô lah ntil tăm klơ tơm êng geh sŏk yơng lơn ma nâp, jêng ueh, geh nklăp 70% rnoh neh tăm tơm play ueh. Tơm byăp, kap nar lơn geh âk ntil ndrel nau nâp ueh, tŏng dơi nau ŭch ntŭk rvăt, njêng ăp nkuăl tăm ân geh rgum ngăn mpeh tơm tăm jong năm, tơm sa play, byăp, jao đah nau kan têh, tŏng dơi nau ŭch ân nau leo dŏng tâm nau ê nkra ndrel rvăt dŏng./.

Nŭih rblang: H’Thi