VOV4.M’nông – Kêng măng 23/4, ta nkual pâl nđaih ƀon Nấm Đà Lạt, N’gâng kan Văn hóa Thể thao n’hanh pâl nđaih n’gor Lâm Đồng lĕ ƀư rdâk nkra tay tâm nsông bah nuĭh K’ho. Aơ lah ngoay tâm âk nău ƀư khlay bah Bôk nău kan boăt nthoi-ntrŭt ngăch hun hao pâl nđaih đah Lâm Đồng n’hanh ăp ntŭk ta lam dak.

Rdâk ƀư tay tâm nsông bah rnoi mpôl K’Ho

Bôk nău kan kan ndâk ƀư tay tâm nsông bah nuĭh K’Ho geh tât râng bah âk rnoi mpôl K’ho nkuăl Lạc Dương, rmôt chĭng gông bah ngih sam ƀŭt THPT Dân tộc nội trú n’gor Lâm Đồng, Nkual pâl nđaih ƀon Nấm Đà Lạt n’hanh ăp rmôt, êng nuĭh ƀư pâl nđaih ăp n’gor kơt: nkual ƀon têh HCM, Bà Rịa Vũng Tàu, Đồng Nai, Bình Thuận, Khánh Hòa, Ninh Thuận n’hanh Nghệ An. Ta aơ, ntŭk ntô n’hanh ăp nău ƀư bah tâm nsông n’hanh tâm ôp bah nuĭh K’ho lĕ dơi ƀư tay, tâm nĕ geh nău ƀư khlay lah klŭp proch djăr, na nê̆ kơp dơn bu ur bu klô jêng ur sai, dơi dah ŭch mbơh hăn nsong đah 2 rnăk. Ăp nău ƀư aơ dơi ƀư tâm măng.

Nŭih rblang: Y Sưng Phê Ja