VOV4.Mnông – Jêh âk khay hŭch hô, rnoh khlay brai ndrŭng ta n’gor Lâm Đồng hao plơ̆ tay, kônh wa tăm tơm ndrŭng brai dŭt rhơn, đăp mpăn ntuh kơl nkra njêng. Dŭt năm 2020, rnoh khlay brai ndrŭng ta n’gor Lâm Đồng tăch đah rnoh bah 110 tât 120 rbăn prăk/kg, yơn rnôk aơ, rnoh ndrŭng brai hao tât 180 rbăn prăk/kg. Tă bah nău mbơh bâh du đêt doanh nghiệp yơng ndrŭng brai, tăch n’gluh ndrŭng brai ta n’gor an gĭt: Rnoh ndrŭng brai hao plơ̆ tay lah yor ntŭk tăch n’gluh ndrŭng brai dôl geh âk nău rhơn.

Rnoh khlay ndrŭng brai hao plơ̆ tay

Du đêt dak lĕ pơk tay mpông tăch n’gluh, ăp doanh nghiệp tâm n’gor dôl geh âk sam ƀŭt nchăm rwăt ndơ tăch n’gluh âk.... Nău rnoh khlay ndrŭng brai hao, kơl nuĭh ƀon lan đăp mpăn ntuh kơl nkra njêng, pơk hvi ntrong kan tăm tơm mât ndrŭng, ntrôl wăng sa rnăk wâl hun hao. Ta n’gor Lâm Đồng aƀaơ geh nklăp 15 rbăn rnăk tăm tơm mât ndrŭng, hun hao geh rlău 8.700ha tơm mât ndrŭng brai, geh 70% rnoh neh tăm tơm ndrŭng brai lam dak.

Nuĭh rblang: Y Sưng Phê Ja